កំពង់ធំ ៖ នៅថ្ងៃទី០៥ ខែមិថុនា ឆ្នាំ២០២០ ម៉ោង១៤:៥៩នាទីរសៀល កម្លាំងនគរបាលខេត្តកំពង់ធំ ដឹកនាំដោយ លោក វរសេនីយ៍ទោ ស សុបិន្ត នាយការិយាល័យនគរបាលព្រហ្មទណ្ឌកម្រិតស្រាល សហការជាមួយកម្លាំងនគរបាលស្រុកតាំងគោក ដឹកនាំដោយ វរសេនីយ៍ឯក សន តាល់ អធិការដ្ឋាននគរបាលស្រុកតាំងគោក និងមានការសម្របសម្រួល ដឹកនាំផ្ទាល់ ពីលោក សាយ វាសនា ព្រះរាជអាជ្ញារង អមសាលាដំបូងខេត្តកំពង់ធំ បានបង្ក្រាបល្បែងស៊ីសងខុសច្បាប់០១កន្លែង ដែលភ្នាល់ចាក់លុយ “ជល់មាន់” តាមទូរទស្សន៍ និងល្បែងអាប៉ោង បុកប៊ីយ៊ែនៅចំណុចភូមិគ្រើល ឃុំអណ្ដូងពោធិ៍ ស្រុកតាំគោក ខេត្តកំពង់ធំ។ ក្នុងផ្ទះ ឈ្មោះ ស៊ិន ណាវី ភេទស្រី អាយុ៥១ឆ្នាំ នៅភូមិគ្រើល ឃុំអណ្តូងពោធិ៍ ស្រុកតាំងគោក ខេត្តកំពង់ធំ ។ និងបានឃាត់ខ្លួនមនុស្ស ចំនួន២២នាក់ ស្រី០១ នាក់ គឺជាម្ចាស់ផ្ទះ ។
វត្ថុតាងដកហូតរួមមានម៉ូតូ ២២គ្រឿងមេអាប៉ោង ០៤គ្រាប់ គំរបចានអាប៉ោង ០១ ហាន់តោ ០១ គ្រាប់ ប៊ីយ៊ែ ៣២ គ្រាប់ ដងកឺ ០៦ កែង ០១ ក្បាលទូរស្សន៍ ២គ្រឿង បៀរ ១៤៩ សន្លឹក
វត្ថុតាង និងមនុស្សចំនួន២២នាក់ ស្រី០១នាក់ សមត្តកិច្ច និងរៀបចំបញ្ជូនទៅស្នងការដ្ឋាននគរបាលខេត្តកំពង់ធំ បន្តសាកសួរ និងកសាងសំណុរឿង ចាត់ការ តាមនីតិវិធី ច្បាប់ ៕
