កំពង់ធំ= ឆ្លងចរន្តអគ្គីសនីផ្ទុះសេខ្សែរភ្លើងឆេះតូបអាជីវករផ្សារកំពង់ថ្មចំនួន៨តូបខូតខាតសម្ភារ:មួយចំនួនធំសំណាងល្អអាជីវករដេកផ្ទះរៀងៗខ្លួនមិនគ្រោះថ្នាក់ឡើយ ហេតុការណ៍នេះបានកើតកាលពីវេលាម៉ោង០២និង៣៥នាទីរំលងអាធ្រាត នៅថ្ងៃទី១៤ ខែវិច្ឆិកា ឆ្នាំ២០២១ នៅចំណុចផ្សារកំពង់ថ្ម ភូមិត្រស់ ឃុំបល្ល័ង្ក ស្រុកបារាយណ៍ ខេត្តកំពង់ធំ ។
តាមប្រភពព័ត៏មានបានអោយដឹងថាខណះពេលមេឃកំពុងភ្លៀងរលឹមស្ទើរពេញមួយ១យប់បណ្តាលឲ្យផ្ទុះសេខ្សែរភ្លើងឆេះតូបអាជីវករផ្សារកំពង់ថ្ម បណ្តាលឲ្យឆេះតូបលក់គ្រឿងបន្លាស់រថយន្ត លក់នាឡិកា តូបកាត់សក់ និងតូបលក់គ្រឿងអគ្គីសនី សរុបចំនួន០៨តូប ។
បើតាមសេចក្ដីរាយការណ៍ពីលោក អួង សារឿន អភិបាលស្រុកបារាយណ៍ ដែលបានចុះជួយនឹងត្រួតពិនិត្យកំលាំងពន្លត់អគ្គីភ័យ នៅផ្សារកំពង់ថ្ម រៀបរាប់ពីការខូចខាតមានដូចជា÷
១/តូបរបស់ឈ្មោះ ឃី ម៉េងឃៀង ភេទប្រុស អាយុ៤២ឆ្នាំ ទីលំនៅបច្ចុប្បន្នភូមិព្រៃតាត្រាវ ឃុំបល្ល័ង្ក ស្រុកបារាយណ៍ ឆេះតូប២ខ្នង ទំហំ៦មx៤ម ធ្វើពីដែកប្រក់ស័ង្កសី ជញ្ជាំងស័ង្កសី ខូចខាតសម្ភារះ រួមមាន:-គ្រឿងបន្លាស់រថយន្តអស់ទាំងស្រុង(ទាំង២តូប)។
២/តូបកាត់សក់ របស់ឈ្មោះ គង់ ភេទប្រុស អាយុ ៦៣ទីលំនៅបច្ចុប្បន្នភូមិបន្ទាយយមរាជ ខូចខាត សសម្ភារៈកាត់សក់មួយចំនួន។
៣/តូបលក់គ្រឿងអគ្គិសនី របស់ឈ្មោះ ស៊ុយ គឹមលាង ភេទប្រុស អាយុ ៤៩ឆ្នាំ ទីលំនៅបច្ចុប្បន្នភូមិត្រស់ ឃុំបល្ល័ង្ក ស្រុកបារាយណ៍ ឆេះតូប០១ខ្នងទំហំ ៣មx៤ម ធ្វើពីដែកប្រក់សង្កសី ជញ្ជាំងសង្កសី ខូចខាខូចខាតសម្ភារៈគ្រឿងអគ្គីសនីមួយចំនួន។
៤/តូបលក់គ្រឿងបន្លាស់រថយន្ដ របស់ឈ្មោះ ឃឿង ធា ភេទប្រុស អាយុ ៥១ឆ្នាំ ទីលំនៅបច្ចុប្បន្នភូមិត្រស់ ឃុំបល្ល័ង្ក ស្រុកបារាយណ៍ ឆេះតូប០១ខ្នងទំហំ ៣មx៤ម ធ្វើពីដែកប្រក់សង្កសី ជញ្ជាំងសង្កសី ខូចខាត សម្ភារៈ គ្រឿង បន្លាស់រថយន្ដ ទាំងស្រុង ។
៥/តូបលក់នាឡិកា របស់ឈ្មោះ លី ណា ភេទប្រុស អាយុ ៥០ឆ្នាំ ទីលំនៅបច្ចុប្បន្នភូមិធន់មោង ឃុំកំពង់ថ្ម ស្រុកសន្ទុក ខូចខាតសម្ភារៈ គ្រឿងបន្លាស់នាឡិកា និងនាឡិកា មួយចំនួន ។
៦/តូបលក់គ្រឿងបន្លាស់រថយន្ដ របស់ឈ្មោះ ឃី កែវ រ៉ាវិន ភេទប្រុស ៥៣ ឆ្នាំ ទីលំនៅបច្ចុប្បន្នភូមិត្រស់ ឃុំបល្ល័ង្ក ស្រុកបារាយណ៍ ឆេះតូប០១ខ្នងទំហំ ៣ម x៤ម ធ្វើពីដែកប្រក់សង្កសី ជញ្ជាំងសង្កសី ខូចខាត សម្ភារៈ គ្រឿង បន្លាស់ រថយន្ដ ទាំងស្រុង ។
កម្លាំងដែលបានចុះជួយពន្លត់អគ្គីភ័យមានសរុបចំនួន៩៥នាក់ ក្នុងនោះមានកម្លាំងខេត្តចំនួន២៥នាក់ រថយន្ដពន្លត់អគ្គីភ័យចំនួន៣គ្រឿង។ កម្លាំងអធិការដ្ឋាន ន.ប ស្រុកបារាយណ៍ រថយន្ដពន្លត់អគ្គីភ័យ០២គ្រឿង។ ប៉ុស្ដិ៍បល្ល័ង្កចំនួន៨នាក់កម្លាំងអធិការដ្ឋាន ន.ប ស្រុកសន្ទុកចំនួន១១នាក់ រថយន្ដពន្លត់អគ្គីភ័យ ០១គ្រឿង ។
កម្លាំងកងរាជអាវុធហត្ថស្រុកបារាយណ៍ចំនួន១៦នាក់។កម្លាំងសិករងស្រុកបារាយណ៍ចំនួន០៥នាក់។ ប្រជាការពារចំនួន១៥នាក់។ប្រជាពលរដ្ឋចំនួន២២នាក់។
រថយន្តពន្លត់អគ្គីភ័សរុបចំនួន០៦គ្រឿងបានជួយពន្លត់យ៉ាងសស្រាក់សស្រាំរួមមាន÷រថយន្តអគ្គិភ័យខេត្តចំនួន០៣គ្រឿង រថយន្តអង្គភាពអធិការដ្ឋាននគរបាលស្រុកបារាយណ៍ចំនួន០២គ្រឿង រថយន្តអង្គភាពអធិការដ្ឋាននគរបាលស្រុកសន្ទុកចំនួន០១គ្រឿង។
ជាមួយគ្នានេះផងដែរការដឹកនាំដោយលោកឧត្តមសេនីយ៍ត្រី ហៀង ហ៊ល ស្នងការរងប្រើប្រាស់ទឹកចំនួន០៥រថយន្ត ស្មើនឹង២៣;៥ម៉ែត្រគូប +ទឹកពន្លត់បឋមរបស់ប្រជាពលរដ្ឋ រយ:ពេល៣ម៉ោងនិង៣០នាទីទើបរលត់ទាំងស្រុង។
មូលហេតុបណ្តាលមកពី (ឆ្លងចរន្តអគ្គិសនី)សម្ថកិច្ចជំនាញបានអំពាវទៅដល់បងប្អូនប្រជាពលរដ្ឋដែលប្រើប្រាស់ចរន្តអគ្គីសនីទាំងអស់មេត្តាប្រុងប្រយ័ត្នក្នុងការប្រើប្រាស់ខ្សែរភ្លើង និងការពារបានត្រឹមត្រូវ៕
