កំពង់ធំ ៖ លោកពៅ សម្បូរណ៍ព្រះរាជអាជ្ញារង.តំណាងឯកឧត្តមស៊ិន វិរះ ព្រះរាជអាជ្ញានៃអយ្យការអមសាលាដំបូងខេត្តកំពង់ធំ លោក សាយ.គឹមឡម អភិបាលស្រុកស្ទោង លោកកែវ នន មេឃុំពពក រួមទាំងកម្លាំងប៉ូលិសបុស្តិ៍ កម្លាំងកងរាជអាវុធហត្ថស្រុកស្ទោងបានអញ្ជើញចូលរួមឧបត្ថម្ភស័ង្កសីចំនួន៥០សន្លឹករួមព្រមទាំងសម្ភារះគ្រឿងឧបភោគបរិភោគ ជូនប្រជាពលរដ្ឋក្រីក្រមួយគ្រួសារ ដែលមានជីវភាពលំបាកក្រីក្រ រស់នៅភូមិផ្ទះដើម ឃុំពពក ស្រុកស្ទោង ខេត្តកំពង់ធំ នៅព្រឹកថ្ងៃទី៣១ខែសីហា ឆ្នាំ២០២១។
លោក ស៊ីម ថៃ អាយុ ៣៩ឆ្នាំ និងប្រពន្ឋឈ្មោះ ឈី ឈាងល័យ អាយុ ២៧ឆ្នាំ មានកូន ៦នាក់ រស់នៅភូមិ ខាងលើ បានឲ្យដឹងថា គាត់មានជីវភាពក្រីក្រលំបាកណាស់ ផ្ទះនេះបានធ្វើតាំងពី១១ឆ្នាំមុនមកម្លេះ គឺធ្វើបានតែគ្រោងផ្ទះនិងដំបូលចាប់តាំងពីរៀបការថ្មីៗមក រហូតមកដល់ពេលនេះមានកូន៤និងក្មួយកំព្រា២នាក់ គឺរស់នៅលើផ្ទះអត់ជញ្ជាំងប្រកស្លឹកដូង នៅពេលមានភ្លៀងម្តង ទាំងម្តាយទាំងកូនដេកពុំបានទេ ទឹកសាចទទឹកជោគអស់។
ឯកឧត្តម ស៊ិន វិរះ ព្រះរាជអាជ្ញានៃអយ្យការអមសាលាដំបូងខេត្តកំពង់ធំ និងក្រុមហ៊ុនLBM ឧកញ៉ា លឹម ប៉ុណ្ណា រួមទាំងសម្បុរសជន លោកវិញ រ៉យ លោកស្រី.ឡាយ.គឹមលីន ជួយឧបត្ថម្ភ សរុប មានស័ង្កសី៥០សន្លឹក អង្ករ៦ការុងស្មើរ២៧៥គ.ក ទឹកត្រី៧យួរ ទឹកស៊ីអ៊ីវ៥យួរ.ត្រីខ៥យួរ មីម៉ាម៉ា៥កេស ប៊ីចេង២គ.ក រួមទាំងបានឲ្យកងកម្លាំងប៉ូលិសជួយគ្នា បាំងជញ្ជាំង ដើម្បីឲ្យក្រុមគ្រួសារគាត់រស់នៅបានសមរម្យ។
លោក ពៅ សម្បូរណ៍ តំណាងឯកឧត្តម.ព្រះរាជអាជ្ញាខេត្តកំពង់ធំ.បានមានប្រសាសន៍ថា នេះគឺជាទឹកចិត្តជួយគ្នាក្នុងគ្រាលំបាករបស់ ឯកឧត្តមប្រធាន.តែងតែចូលរួមក្នុងវិស័យមនុស្សធម៌.ទាំងប្រជាពលរដ្ឋដែលមានជីវភាពលំបាកក្រីក្រ និងកងកម្លាំងដែលមានការខ្វះខាត ដោយមិនរើសអើង។
