កំពង់ធំ ៖ បែកធ្លាយរឿងពិតមួយពាក់ព័ន្ធនិងពេទ្យសត្វខេត្តកំពង់ធំ ទម្លាប់អោយអាជីវករមួយចំនួនក្រាញននាល កាប់គោ ក្របី ជ្រូក ក្រៅសត្តឃាតដ្ឋាន ធ្វើអោយបាត់ចំណូលចូលរដ្ន និងជាឱកាសអោយមន្ដ្រីពេទ្យសត្វខិលខូចមួយចំនួនរកចំណូលហូរចូលហៅប៉ៅ ដោយមានការឃុបឃិតផ្សំគំនិតជាមួយអាជីវករមួយចំនួនដែលមានគំនិតខូចដូចគ្នា តើមួយឆ្នាំៗបាតចំណូលចូលរដ្នអស់ប៉ុន្មាន?
ហេតុអីបានជាអ្នកដេញថ្លៃភាស៊ីពោលពាក្យរអួររទាំខណះពេលខ្លួនប្រមូលភាស៊ីបានខ្លះនិងមិនបានខ្លះ ដោយសារអ្នកកាប់ក្រៅសត្តឃាតមានអំណាចលើពេទ្យសត្វគ្មានចំណាត់ការ និងអសត្ថភាព។
ដើម្បីធានាបាននូវសុខភាព សុវត្ថិភាពម្ហូបអាហារពាក់ព័ន្ធទៅនឹងការការពារជំងឺឆ្លងតាមរយៈសត្វជ្រូក គោ ក្របី ក្នុងឱកាសចូលឆ្នាំចិន មិនត្រូវអោយអាជីវករកាប់គោ ក្របី ជ្រូក នៅក្រៅសត្តឃាតដ្ឋានតទៅទៀតទេ ដោយគ្មានពេទ្យសត្វ ត្រួតពិនិត្យសុខភាពជាមុនឡើយ ដូច្នេះ សូមអោយថ្នាក់ដឹកនាំខេត្តកំពង់ធំ មន្ទីរកសិកម្មខេត្តកំពង់ធំត្រួតពិនិត្យរឿងនេះអោយបានដិតដល់ ចំពេលដែលជ្រូកដឹកមកពីបរទេសហូរចូលយ៉ាងកំហុក ។
ពលរដ្នម្នាក់ឈ្មោះ ថា បានរៀបរាប់ប្រាប់អង្គភាពសារព័ត៏មាន រិទ្ធីដាវដែក ថាលោកត្រូវបានពេទ្យសត្វឈ្មោះ ង៉ូវលី និងប៉ូលិសប៉ុស្ដិ ពឹងពាក់អោយដើរប្រមូលលុយភាស៊ីរាប់សិបឆ្នាំមកហើយ គោក្របី ក្នុង១ក្បាល៨៥០០រៀល និងប៉ូលិស ៥០០០រៀល! ប៉ុន្ដែបើកាប់គោ ក្របី ងាប់ ទាល់តែសញ្ញេចេញពីប៉ុស្ដិទើបគេហ៊ានកាប់ ។ លោកបន្ដថាពេទ្យសត្វត្រូវរូវជាមួយអាជីវករមិនយកសាច់ច្រឡកទៅពិនិត្យទេបែរជាយកលុយ១ម៉ឺនរៀលពីអាជីវករទៅវិញ ។
លោក ហុង អ្នកកាប់គោ ក្របី ក្រៅសត្តឃាតដ្ឋាននៅត្រពាំងវែង បានប្រាប់ថាលោកបានលួចលាក់កាប់គោ ក្របី ងាប់ម្ដងម្កាលដែរ លោកបង់ភាស៊ី ៨៥០០រៀល និងបង់អោយពេទ្យសត្វ ១២០០០រៀល ។
អ្នកស្រី សេងពៅ អ្នកកាប់ជ្រូកក្រៅសត្តឃាតដ្ឋាននៅកំពងក្របៅ បានប្រាប់ថា មូលហេតុដែលអ្នកស្រី កាប់ជ្រូកក្រៅសត្តឃាត ដោយសារខ្វះកម្មករ ខ្វះកម្លាំង ដោយសារពេទ្យសត្វយោគយល់ ! អ្នកស្រីបន្ដថា បង់លុយអោយភាស៊ី (ជ្រូក១ក្បាល៦៥០០រៀល) ពេទ្យសត្វ១៥០០រៀល តែជាទំលាប់ពេទ្យសត្វ ពេលកាប់ជ្រូក១ក្បាលគេសុំសាច់ច្រឡកម្ខាង បើអត់យកសាច់ច្រឡកទេ អ្នកស្រីគិតលុយអោយពេទ្យសត្វ១ម៉ឺនរៀលបន្ថែមទៀត តែបើកាប់៣ក្បាល់ត្រូវបង់លុយអោយពេទ្យសត្វ ៣៤៥០០រៀល។ លុះសួរថាជ្រូកដែលកាប់រួចយកទៅអូសត្រាដែរទេ? អ្នកស្រីថាមិនដែលអូសត្រាទេគឺយកទៅលក់នៅទីផ្សាតែម្ដង។
លោក ហុង ហាក់ អ្នកកាប់ជ្រូកក្រៅសត្តឃាត នៅកំពង់ក្របៅបានរៀបរាប់ថា លោកកាប់ជ្រូកតាមផ្ទះអូសត្រានិងបង់លុយនៅសត្តឃាតដ្ឋាន ! លោកបន្ដថាបើលោកកាប់ជ្រូក១ឬ២ក្បាល់បង់ទៅតាមនិង ប៉ុន្ដែរលោកបានខឹងនិងអ្នកដេញភាស៊ីថា បានដើរឆែកឆេរក្នុងផ្ទះរបស់លោកដោយគ្មានការអនុញាតិដោយមិនសហការពីលោក ។
លោក អ៊ឹម ពិសិទ្ធ មន្ដ្រីការិយាល័យផលិតកម្មនិងពហុព្យាបាល ជាអ្នកប្រមូលលុយប្រចាំក្រុងស្ទឹងសែន បានបកស្រាយសំនួរសួរថា តើលោកមានចំណាត់ការយ៉ាងណាចំពោះការកាប់សត្វក្រៅសត្តឃាត លោកថានិងមានចំណាត់ការទៅតាមការណែនាំ! លោកបន្ដថា ការកាប់សត្វក្រៅសត្តឃាតគឺជាអំពើខុសច្បាប់ ពុំមានអូសត្រានោះទេ លុះត្រាតែកាប់ក្នុងសត្តឃាតនិងពិនិត្យជាក់ស្ដែងទើបមាន អូសត្រា និងចេញបង្កាន់ដៃអោយ តែបើកាប់ក្រៅសត្តឃាតដ្ឋានលោកមិនប្រមូលភាស៊ីទេ។
ចុះអ្នកកាប់ក្រៅសត្តឃាតអ្នកណាជាអ្នកប្រមូលលុយភាស៊ីហើយអ្នកនោះយកលុយទៅណា? ចូលហ៊ោបៅពេទ្យសត្វឬចូលហ៊ោប៉ៅអ្នកឃុបឃិតគ្នាគេងប្រវ័ន្ដចំណូលរដ្ន បើ១ថ្ងៃៗកាប់ គោ ក្របី ជ្រូក រាប់សិបក្បាល តើបាតចំណូលរដ្នរាប់លានរៀលហើយទេឬ? តើចំណូលនោះចូលទៅហ៊ោប៉ៅអ្នកណា?។
លោក វី អ្នកកាប់គោ ក្របី ក្នុងសត្តឃាតក្រុងស្ទឹងសែនបានរៀបរាប់ប្រាប់ថាថៅកែលោកបានបង់លុយអោយអ្នកភាស៊ី ៨៥០០រ ក្នុង១ក្បាល ពេទ្យសត្វ១៧០០០រក្នុង១ក្បាល និងប៉ូលិស ៥០០០រ ។ តើតម្លៃទាំងនេះស្រប់តាមច្បាប់ដែរឬទេ? បើគេបង់អោយច្រកចេញចូលតែមួយរួចហើយនោះ ?។
សរុបមក សាច់ជ្រូកដែលមិនមានអូសត្រាទេអាចសន្និដ្ឋានបានថាជាជ្រូកឈឺ ឬជ្រូកមិនបានពិនិត្យសុខភាព ឬជាជ្រូកកាប់ក្រៅសត្តឃាតដ្ឋានជាដើម។
លោក សុងសាវុធ អ្នកដេញថ្លៃប្រមូលភាស៊ីបានរៀបរាបថា លោកប្រមូលភាស៊ីបានតែក្នុងសត្តឃាត! តែក្រៅសត្តឃាតប្រមូលបានខ្លះនិងមិនបានខ្លះ ជុំវិញរឿងនេះលោកថាបានរាយការណ៍ទៅមន្ទីរកសិកម្មខេត្តកំពង់ធំរួចហើយ និងបានជុំរុញអោយពេទ្យសត្វកៀងករអ្នកកាប់ក្រៅសត្តឃាតអោយចូលមកកាប់សត្តឃាតវិញ តែពេទ្យសត្វហាក់ដូចជាគ្មានចំណាត់ការអ្វីទាំងអស់។លោកបន្ដថានៅក្នុសៀវភៅបន្ទុក ជ្រូកខ្វៃគេអោយយក ចុះហេតុអីអ្នកខ្លះមិនបង់លុយភាស៊ី ដូច្នេះចំនុចនេះអាជីវករគិតឡើងវិញ ។
លោក ចាន់ បញ្ញាវ័ន្ដ ប្រធានការិយាល័យផលិតកម្មនិងពហុព្យាបាលខេត្តកំពង់ធំបានបំភ្លឺថាចំពោះរឿងឣាជីវករពិឃាតសត្វក្រុងស្ទឹងសែនគឺពួកគាត់ចូលកាប់ក្នុងសត្តឃាតដ្ឋានបាន95%ហើយក្នុងពេលបច្ចុប្បន្ននេះ ហើយនាក់ដែលនៅសេះសល់ជំនាញយើងកំពុងតែជំរុញពួកគាត់បន្ថែមទៀត។ការងារជំនាញមិនមែនស្រួលដូចដែលឣ្នកទាភាស៊ីចង់បានភ្លាមៗនោះ ។
លោក ប៉ែន វណ្ណរិទ្ធ ប្រធានមន្ទីរកសិកម្មរុក្ខាប្រមាញនិងនេសាទខេត្តកំពង់ធំបានអោយឆ្លើយតបតាមប្រព័ន្ធតេលេក្រាមថា លោកទើបតែបានដឹងនិងទទួលបានព័ត៏មាននេះ ដូច្នេះក្រោយពេលចូលឆ្នាំចិនរួចលោកនិងមានវិធានការហើយ ។
អាជីវករពិឃាតជ្រូក គោ ក្របី ត្រូវបង់ភាស៊ីសត្តឃាត ជ្រូក 1ក្បាល/1500រៀល គោ ក្របី 1ក្បាល/2000រៀល និងភាស៊ីសត្តឃាត ជ្រូក 1ក្បាល/6500រៀល គោ ក្របី 1ក្បាល/8500រៀល បើយកក្រៅពីនឹងគឺពុករលួយហើយ ។ អាជីវកម្មពិឃាតសត្វ គឺនៅក្នុងសត្តឃាត ពីក្រៅសត្តឃាតជាអំពើល្មើសច្បាប់ហើយ ៕
