កំពង់ធំ៖ នៅរសៀលថ្ងៃទី១៦ ខែកញ្ញា ឆ្នាំ២០២២, លោក ពេញ កែម អភិបាលក្រុងស្ទឹងសែន ដឹកនាំសហការី ចុះពិនិត្យការជួសជុលផ្លូវលេខ១០៧ ភ្ជាប់ពីភ្លើងស្តុបភូមិក្តី ទៅកាន់ផ្លូវវាងក្រុង។ សកម្មភាពនេះ បានបង្ហាញពីការយកចិត្តទុកដាក របស់ឯកឧត្តម ងួន រតនៈ អភិបាលខេត្តកំពង់ធំ ដើម្បីសម្រួសដល់ការលំបាករបស់ ប្រជាពលរដ្ឋបណ្តុះអាសន្ន ក្នុងរដូវវស្សា ដែលមានភ្លៀងធ្លាក់ច្រើន ពិបាកក្នុងការធ្វើដំណើរ ជាពិសេសក្មេងៗធ្វើដំណើរទៅសាលារៀន។
ប្រជាពលរដ្ឋពលរដ្ឋ ដែលរស់នៅតាមបណ្តោយផ្លូវនេះ សម្តែងនូវសេចក្តីសប្បាយរីករាយ និងថ្លែងអំណរគុណ ចំពោះការគិតគូរយកចិត្តទុកដាក់របស់ឯកឧត្តមអភិបាលខេត្ត អាជ្ញាធរក្រុង និងអាជ្ញាធរសង្កាត់ព្រៃតាហ៊ូ ដែលបានទទួលនូវសំណូមពរ និងឆ្លើយតមតាមតម្រូវការរបស់ពួកគាត់។ ក្រុមប្រជាពលរដ្ឋ បន្តសំណូមពរដល់អាជ្ញាធរខេត្ត និមន្ត្រីជំនាញ ក្រោយពីជួសជុលរួច និងមានគម្រោងសាងសង់ផ្លូវនេះឡើងវិញ សូមរៀបចំប្រព័ន្ធលូរំដោះទឹកភ្លៀង និងបន្ថែមរ៉ឺហ្គែលូឲ្យបានច្រើន ដើម្បីឲ្យទឹកភ្លៀងហូរបានលឿន មិនលិចផ្លូវ ដែលធ្វើផ្លូវសាងសង់រួចមានភាពរឹងមាំ អាចប្រើប្រាស់ បានយូរអង្វែង។
