បន្ទាប់ពីលោកជំទាវ ឱ វណ្ណឌីន រដ្ឋលេខាធិការ និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស បានអញ្ជើញចុះត្រួតពិនិត្យវឌ្ឍនភាពការងារចាក់វ៉ាក់សាំងកូវីដ-១៩ ចំនួន២ ទីតាំងក្នុងខេត្តកំពង់ធំ រួចមក នៅរសៀលថ្ងៃទី១៤ ខែមិថុនា ឆ្នាំ២០២២ លោកជំទាវ ឱ វណ្ណឌីន បានអញ្ជើញចូលរួមជួបពិភាក្សាការងារជាមួយឯកឧត្តម ទូច សុខា អភិបាលរង ខេត្តកំពង់ធំ ស្តីពីដំណើរការចាក់វ៉ាក់សាំងកូវីដ-១៩ ក្នុងក្របខណ្ឌខេត្តកំពង់ធំ ។
នៅក្នុងកិច្ចប្រជុំនេះ ក៏មានការអញ្ជើញចូលរួមពី លោកស្រី វេជ្ជបណ្ឌិត លី អាយលែន តំណាងអង្គការសុខភាពពិភពលោក ប្រចាំនៅកម្ពុជា ក្រុមការងារក្រសួងសុខាភិបាល និងមន្ត្រីពាក់ព័ន្ធមួយចំនួនទៀត ។
