ទាន់ហេតុការណ៍
សម្ដេច​តេជោ ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន​សែន អញ្ជើញ​ថ្វាយ​ព្រះរាជដំណើរ​ព្រះមហាក្សត្រ និង​សម្តេចម៉ែ យាង​ទៅ​ទីក្រុង​ប៉េកាំង ប្រទេស​ចិន​ - ឯកឧត្តម​អភិ​សន្តិ​បណ្ឌិត ស សុខា នៅតែ​បន្ត​ព្រួយបារម្ភ​ពី​គ្រោះថ្នាក់​ចរាចរណ៍ និង​ណែនាំ​ឱ្យ​ពិនិត្យ​ការប្រើ​កង់ ម៉ូតូ និង​កូន​រថយន្ត​អាគុយ​ - អនុព័ន្ធ​យោធា​ម៉ាឡេស៊ី​ប្រចាំ​កម្ពុជា ដឹកនាំ​ប្រតិភូ​សមាជិក​សរុប​៧​ប្រទេស អញ្ជើញ​ដល់​យោធភូមិភាគ​ទី​៥ ខេត្ត​បាត់ដំបង | Military Attaché of Malaysia to Cambodia Leads a Delegation of Seven Countries to Military Region 5 in Battambang Province - លោកជំទាវ​បណ្ឌិត ពេ​ជ ចន្ទ​មុន្នី ហ៊ុន​ម៉ា​ណែ​ត បាន​បន្ត​អញ្ជើញ​ដឹកនាំ​ក្រុម​ការងារ ចូលរួម​គោរព​វិញ្ញាណក្ខន្ធ វីរ​យុទ្ធជន​ពលី​នៅ​សមរភូមិ​មុខ​ក្នុង​បុព្វេ​ហេតុ​ការពារ​បូរណភាព​ទឹកដី​កន្លងទៅ​នៅ​ទិស​ខេត្ត​ព្រះវិហារ និង​ខេត្ត​ឧត្តរមានជ័យ ដែល​មាន​ទីតាំង​ស្ថិតក្នុង​ខេត្ត​ព្រៃវែង និង​ខេត្ត​ស្វាយរៀង - លោកជំទាវ​បណ្ឌិត ពេ​ជ ចន្ទ​មុន្នី ហ៊ុន​ម៉ា​ណែ​ត អញ្ជើញ​គោរព​វិញ្ញាណក្ខន្ធ​យុទ្ធជន​ពលី ចំនួន ៣​រូប ក្នុង​សមរភូមិ​មុខ​នៃ​ជម្លោះ​ព្រំដែន​កម្ពុជា​-​ថៃ ចាប់ពី​ថ្ងៃ​ទី​២៤ ដល់​ថ្ងៃ​ទី​២៨ ខែកក្កដា ឆ្នាំ​២០២៥​ - ​ឯកឧត្តម រ័ត្ន ស្រ៊ាង ថ្លែងអំណរគុណ សម្តេច​វិបុល​សេនា​ភក្តី សាយ ឈុំ ឧត្តមប្រឹក្សា​ផ្ទាល់​ព្រះមហាក្សត្រ ដែល​បាន​ផ្ញើ​សារលិខិត​រំលែក​ទុក្ខ​ចំពោះ​មរណភាព​ម្តាយក្មេក​ - ​ឯកឧត្តម រ័ត្ន ស្រ៊ាង ថ្លែងអំណរគុណ សម្តេច​តេជោ ហ៊ុន សែន ដែល​បាន​ផ្ញើ​សារលិខិត​រំលែក​ទុក្ខ​ចំពោះ​មរណភាព​ម្តាយក្មេក​ - ក្រសួងការបរទេស​កម្ពុជា​៖ កងទ័ព​កម្ពុជា​ពុំ​បាន​ធ្វើ​សកម្មភាព​ណាមួយ​ទាល់តែសោះ​ដែល​រំលោភ​បទ​ឈប់​បាញ់ និង​ព្យាយាម​ដោយ​ស្មោះត្រង់ ដើម្បី​សម្រេច​កិច្ចព្រមព្រៀង​បញ្ចប់​ជម្លោះ​ប្រដាប់អាវុធ​ទាំងស្រុង​ - លោកជំទាវ​បណ្ឌិត ពេ​ជ ចន្ទ​មុន្នី ហ៊ុន​ម៉ា​ណែ​ត បាន​អញ្ជើញ​ចុះ​ជួប​សួរសុខទុក្ខ និង​នាំ​យក​ស្បៀងអាហារ គ្រឿងឧបភោគ​បរិភោគ​ព្រមទាំង​របស់របរ​ប្រើប្រាស​ចាំបាច់​ជាច្រើន​ចែកជូន​ដល់​បងប្អូន​ប្រជាពលរដ្ឋ​ដែល​កំពុង​ភៀ​សសឹក​ពី​តំបន់​មាន​ជម្លោះ​ព្រំដែន​កម្ពុជា​-​ថៃ​នៅ​ក្នុង​ជំរំ​សុវត្ថិភាព​ - សម្តេច​បវរ​ធិបតី ហ៊ុន ម៉ា​ណែ​ត ផ្ញើ​សារ​ចំនួន​៥​ចំនុច ឆ្លើយតប​ទៅនឹង​ការចោទប្រកាន់ ដោយ​គ្មាន​មូលដ្ឋាន​មក​លើ​កម្ពុជា ពី​ភាគី​ថៃ​នាពេល​ថ្មីៗ​នេះ​
0

សម្តេច​តេជោ ហ៊ុន សែន អញ្ជើញ​ចុះ​ជួប​កម្មករ កម្មការិនី ជិត​២​ម៉ឺន​នាក់​ជា​បន្ត​ទៀត នៅ​ភ្នំពេញ !

សម្តេច​តេជោ ហ៊ុន សែន អញ្ជើញ​ចុះ​ជួប​កម្មករ កម្មការិនី ជិត​២​ម៉ឺន​នាក់​ជា​បន្ត​ទៀត នៅ​ភ្នំពេញ !

នា​ព្រឹក​ថ្ងៃ​សៅរ៍ ៧​កើត ខែ​បឋមាសាឍ ឆ្នាំ​ថោះ បញ្ច​ស័ក ព​.​ស​.២៥៦៧ ត្រូវ​នឹង​ថ្ងៃទី​២៤ ខែមិថុនា ឆ្នាំ​២០២៣ នេះ សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បាន​បន្ត​អញ្ជើញ​ចុះ​ជួប​សំណេះសំណាល​ជាមួយ​កម្មករ កម្មការិនី ចំនួន​១៩,០០៤​នាក់ មកពី​រោងចក្រ​សហ​គ្រា​ចំនួន​១៣ នៅ​រាជធានី​ភ្នំពេញ និង​ខេត្ត​កណ្ដាល ដែល​ជំនួប​សំណេះសំណាល​បាន​ធ្វើឡើង​នៅ​ពហុ​កីឡដ្ឋាន​ជាតិ​មរតក​តេជោ​។​

​រោងចក្រ សហ​គ្រា​ទាំង​១៣ ដែល​អនុញ្ញាត​ឱ្យ​កម្មករ និយោជិត​ចូលរួម​ក្នុង​ពិធី​សំណេះសំណាល​នេះ មកពី​ស្រុក​មុខកំពូល ខេត្ត​កណ្តាល​ចំនួន​៣ និង​រាជធានី​ភ្នំពេញ​ចំនួន​១០ (​ខណ្ឌ​ឫស្សីកែវ​ចំនួន​៨, ខណ្ឌ​ជ្រោយចង្វារ​ចំនួន​១ និង​ខណ្ឌ​ពោធិ៍​សែន​ជ័យ​ចំនួន​១)​។​

​សម្តេច​តេជោ ហ៊ុន សែន ពិតជា​រីករាយ​ដែល​បាន​មកជួប​ក្មួយៗ​កម្មករ កម្មការិនី​រោងចក្រ​ដែល​មកពី​ខេត្ត​កណ្តាល និង​ភ្នំពេញ​នា​ថ្ងៃនេះ​។​

​សម្តេច​តេ​ជោបាន​មានប្រ​សាសន៍ថា គោលនយោបាយ​គាំពារ​កម្មករ កម្មការិនី រួម​ទាំង​កម្រិត​ប្រាក់បៀវត្សរ៍ គឺជា​ការគិតគូរ​យ៉ាង​ដិតដល់​បំផុត​របស់​រាជរដ្ឋាភិបាល កម្ពុជា​ដែល​ដឹកនាំ​ដោយ​គណបក្ស​ប្រជាជន​កម្ពុជា ហើយ​ក៏​មិនមែន​ជា​រឿង​ចៃដន្យ​នោះដែរ​។​

​សម្តេច​តេជោ​នាយករដ្ឋមន្ត្រី​បាន​មានប្រសាសន៍បន្ត​ទៀតថា នៅ​ឆ្នាំ​២០២១-២០២៣ ក្នុងពេល​ដែល​យើង​ជួប​នូវ​វិបត្តិកូ​វីដ​-១៩​ធ្ងន់ធ្ងរ​នោះ រាជរដ្ឋាភិបាល​កម្ពុជា​មិន​បាន​ដំឡើង​ប្រាក់​បៀវត្សរ៍​ដល់​មន្ត្រីរាជកា​រ​កងកម្លាំងប្រដាប់អាវុធ​ឡើយ ដោយសារ​រដ្ឋ​ត្រូវ​យក​ចំណែក​ទាំងនោះ ទៅ​ទប់ទល់​នឹង​ហានិភ័យ​សង្គម​បណ្តាលមកពី​កូវី​ដ​-១៩ តែ​រដ្ឋាភិបាល​បាន​ប្រឹងប្រែង​មិនឱ្យ​ឡើងថ្លៃ​នូវ​មុខទំនិញ​នានា និង​សេវា​ចាំបាច់​របស់​ប្រជាពលរដ្ឋ​ដូចជា បញ្ហា​ទឹក និង​ភ្លើង​ជាដើម​។​

​សម្ដេច​តេ​ជោបាន​បន្តទៀ​ត​ថា ការចុះ​ជួប​ជាមួយ​បងប្អូន​កម្មករ​និយោជិត​នេះ គឺ​ដើម្បី​ស្វែងយល់​ពី​កិច្ចការ​ដែល​រាជរដ្ឋាភិបាល​បាន​ដាក់ចេញ ដើម្បី​គាំពារ​កម្មករនិយោជិត​ថា​តើ​សម្រេច​បាន​ដល់​កម្រិត​ណាខ្លះ​ហើយ​។​

​សម្តេច​តេជោ​បានបញ្ជាក់​ទៀតថា រាជរដ្ឋាភិបាល​កម្ពុជា​បាន​បង្កលក្ខណៈ​ងាយស្រួល​យ៉ាងខ្លាំង​ដល់​ថៅកែ​រោងចក្រ​នានា តាមរយៈ​ការប្រើប្រាស់​រូបី​យ​ប័ណ្ណ​អន្តរជាតិ ដើម្បី​បើក​ប្រាក់ខែ​ជូន​បងប្អូន​កម្មក​របា​ន ដែល​នេះ​ជា​ផ្នែក​មូយ​ដ៏​សំខាន់​ក្នុង​ការជួយ​សម្រួលការ​ងារ និង​និរន្តរភាព នៃ​អត្រា​ប្តូរ​ប្រាក់​ផង​ដែរ​។​

​សម្តេច​តេជោ ហ៊ុន សែន បាន​មានប្រសាសន៍​បញ្ជាក់​ទៀត​ថា មាន​ជន​មួយក្រុម ដែល​កំពុង​មាន​ទោស​ក្បត់ជាតិ​នៅ​កម្ពុជា​ផង​នោះ បាន​ដើរ​អំពាវនាវ​ដល់​អន្តរជាតិ កុំ​មក​បណ្តាក់ទុន​រក​ស៊ី​នៅ​កម្ពុជា​, កុំ​ទិញ​ទំនិញ​ពី​កម្ពុជា និង​ត្រូវ​ដាក់​ទណ្ឌកម្ម​កម្ពុជា​ជាដើម ដែល​នៅ​លើ​ពិភពលោក​នេះ គ្មាន​ក្រុមប្រឆាំង​ណា ដូច​ក្រុមប្រឆាំង​នៅ​កម្ពុជា​ឡើយ​។​

​សម្តេច​តេជោ​នាយករដ្ឋមន្ត្រី​បាន មានប្រសាសន៍​ទៀត​ថា កត្តា​សុខសន្តិភាព គឺជា​ការចាប់ផ្តើម​ដំបូង បំផុត​នៃ​ការអភិវឌ្ឍ និង​សកម្មភាព​ផ្សេងៗ​ទៀត នៃ​វឌ្ឍនភាព រួម​ទាំង​កំណើន​ការងារ​សម្រាប់​កម្មករ កម្មការិនី​ផង​ដែរ​។​បើ​គ្មាន​សុខ​សន្តិភាព​ទេ កុំ​និយាយ ឬ​គិត​អ្វី​ទាំងអស់ គិត​ត្រឹម​តែ​ធ្វើ​យ៉ាងម៉េច​រត់​ចូល​ត្រង់​សេ​ឱ្យបាន​តែ​ប៉ុណ្ណោះឯង​។

​សម្តេច​តេ​ជោបាន​រំលឹក​ជា​ថ្មី​ទៀត​ថា បើ​កម្ពុជា​មាន​សង្គ្រាម គ្មាន​បរទេស​ណា​មក​ធ្វើ​ការវិនិយោគ​ជាមួយ​កម្ពុជា​នោះ​ទេ ដូច្នេះ​ហើយ​បងប្អូន​ជនរួមជាតិ​ទាំងអស់​ត្រូវ​ថែរក្សា​នូវ​សុខ​សន្តិភាព​នេះ​ឲ្យខាងតែបាន​។​

​សម្តេច​តេជោ ហ៊ុន សែន បាន​បន្ត​អំពាវនាវ​ដល់​ម្ចាស់​រោច​ក្រ និង​កម្មករ​និយោជិត ត្រូវ​រួមគ្នា​ធ្វើយ៉ាងណា​ឱ្យ​រោងចក្រ​មួយ​ក្លាយទៅជា​សហគមន៍​សុខសាន្ត​មួយ​។​

ដូច្នេះ​ទាំង​កម្មករនិយោជិត និង​ម្ចាស់​រោងចក្រ ត្រូវធ្វើ​បែបណា កុំឱ្យ​មាន​គ្រឿងញៀន កុំឱ្យ​មាន​បងតូច បងធំ កុំឱ្យ​មាន​ជម្លោះ​រវាង​កម្មករនិយោជិត និង​ថៅកែ​រោងចក្រ និង​កុំ​ឱ្យ​ក្លាយជា​កន្លែង​ឆ្លង​រីក​រាលដាល​ជំងឺអេដស៍​។

​ពាក់ព័ន្ធ​នឹង​ជំងឺអេដស៍​នេះ ផងដែរ នៅថ្ងៃនេះ សម្តេច​តេ​ជោបាន​មានប្រ​សាសន៍ថា និន្មាការ នៃ​ការចម្លង​មេរោគ​អេដស៍​មាន​ការកើនឡើង​នៅ​ឆ្នាំ​២០២៣​នេះ ខណៈ​ដែល​ក្រុម​គោល ដែល​មាន​ការចម្លង​ច្រើនជាងគេ គឺ​ក្រុម​ដែល​មាន​និន្នាការ​ស្រលាញ់​ភេទ​ដូចគ្នា ក្នុងនោះ​គឺ ក្រុម​បុរស​ស្រលាញ់​បុរស​ដូចគ្នា​។​ដូច្នេះ សម្តេចេ​រ​តេជោ​បាន​អំពាវនាវ​កុំឱ្យ​ភ្លើតភ្លើន​ភ្លេចខ្លួន និង​ត្រូវមាន​វិធានការ​ការពារ​ពី​ជំងឺអេដស៍​នេះ​អោយបាន​គ្រប់ៗ​គ្នា​។

​មុន​នឹង​បញ្ចប់ សម្តេច​តេជោ ហ៊ុន សែន ក៏បាន​ជូនពរ​ដល់​បងប្អូន​កូនក្មួយ កម្មករ កម្មការិនី​ទាំងអស់ ជួបតែ​សេចក្តីសុខ សេចក្តីចម្រើន ជា​ពិសេស​កម្មការិនី​ដែល​មាន​ផ្ទៃពោះ​សូមឲ្យ​ទទួលបាន​នូវ​សុខភាព​ល្អ ទាំង​ម្ដាយ និង​កូន​នៅពេល​សម្រាល​ហើយក៏​បាន​ផ្ដល់​ជា​ថវិកា​សម្រាប់​ស្ត្រី​មាន​ផ្ទៃពោះ​ចំនួន​៦៤១​នាក់ ក្នុង​ម្នាក់ៗ ២០០​ដុល្លារ ក្នុងនោះ​មាន​ស្ត្រី​មាន​កូនភ្លោះ​២ ចំនួន​៤​នាក់ ក្នុង​ម្នាក់ៗ ចំនួន​៤០០​ដុល្លារ​ផង​ដែរ​៕​

Filed in: ព័ត៌មានជាតិ

Leave a Reply

Submit Comment
«អាំងប៊ុនហូវព័ត៌មាន | ABHNews» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 095 66 25 25 / 096 99 02 168 / 097 333 05 55 សូមអរគុណ !»

©២០១៨ រក្សាសិទ្ធិ ដោយ «អាំងប៊ុនហូវព័ត៌មាន | ABHNews» | 095 66 25 25 / 096 99 02 168 / 097 333 05 55

សហការផ្តល់ព័ត៌មាន៖ 095 66 25 25 / 096 99 02 168 / 097 333 05 55 | អ៊ីម៉ែល ៖ aingbunhov@gmail.com