កំពង់ឆ្នាំង =សមត្ថកិច្ចកងរាជអាវុធហត្ថខេត្តកំពង់ឆ្នាំងឃាតខ្លួន មេភូមិមានឈ្មោះ ញ៉េបសុខុម ជាជនសង្ស័យលើអំពើឃាតកម្ម សម្លាប់ស្ត្រីម្នាក់កាលពីថ្ងៃទី ២១ខែមិថុនា ឆ្នាំ ២០២០ កន្លងមកត្រូវបានឃាត់ខ្លួនជនសង្ស័យតាមការបញ្ជាផ្ទាល់ដោយ លោកអ៊ិត សុធាព្រះរាជអាជ្ញាអមសាលាដំបូងខេត្តកំពង់ឆ្នាំងនៅថ្ងៃទី២៧ ខែមិថុនា ឆ្នាំ ២០២០។
សមត្ថកិច្ចបានដឹងថា បុរសម្នាក់ជាមេភូមិ.ឈ្ញោះញ៉េប សុខុម អាយុ៦៧ឆ្នាំ រស់នៅភូមិក្រាំងកន្ទ្រោល ឃុំពាម ស្រុកសាមគ្គីមានជ័យ ខេត្តកំពង់ឆ្នាំងត្រូវបានឃាត់ខ្លួនក្នុងករណីសម្លាប់ស្ត្រី ម្នាក់ជនរងគ្រោះឈ្មោះ ជាថន អាយុ៥៦ឆ្នាំមានទំនាក់ទំនងស្នេហាលួចលាក់ជាមួយលោកមេភូមិឈ្មោះញ៉េប សុខុម ដែលជាជនដៃដល់ ។
យោងតាមដំណើររឿងអង្គហេតុឃាតករ តែងតែមកលួចរួមរក្សជាមួយគ្នារហូតតាំងពីឆ្នាំ២០១៥មកម្ល៉េះលុះមកដល់ថ្ងៃទី២១ខែ មិថុនា ឆ្នាំ២០២០វេលាម៉ោងប្រហែល១២ថ្ងៃត្រង់ លោកមេភូមិដែលត្រូវជាបងថ្លៃជនរងគ្រោះក៏បានណាត់ដៃគូររបស់គាត់ធ្វើការរួមភេទទៀតនៅវាលស្រែឆ្ងាយពីភូមិនៅក្បែរ ខ្ទមមួយដែលជារបស់ជនរងគ្រោះតែងតែទៅស្នាក់នៅទីនោះ។
មេភូមិឈ្មោះញ៉េប សុខុម ជនសង្ស័យ បានសារភាពថាក្រោយពីពួកខ្លួនបានរួមភេទហើយខ្លួនបានស្លៀកពាក់រួចរាល់ហើយក៏បានហៅជនរងគ្រោះងើបឡើងតែពេលនោះជនរងគ្រោះដូចជាអត់មានដង្ហើមខ្លួនក៏ធ្វើចលនាតែទីបផុតជនរគ្រោះបានដាច់ខ្យល់បាត់ទៅហើយ។
ជនសង្ស័យបានសារភាពបន្តថា ពេលដឹងថាជនរងគ្រោះបានដាច់ខ្យល់ស្លាប់ភ័យពេកក៏លើកសាកសពចេញពីវាលស្រែដែលជាកន្លែងរួមភេទមកចូលរោងរបស់ជនរងគ្រោះដែលនៅក្បែរនោះរួចយកភ្លើងដុតរោងនិងជនរងគ្រោះនៅទីនោះតែម្តង!រយះពេល៦ថ្ងៃទើបបំបែកករណីនេះបាន៕
