(ខេត្តកំពង់ធំ) ÷ រសៀលថ្ងៃទី២០ ខែកក្កដា ឆ្នាំ២០២០ លោក វណ្ណៈ សោភានិត អភិបាលស្រុកប្រាសាទបល្ល័ង្ក និង លោក តាន់ វាសនា តំណាង ឯកឧត្តម ជា អឿង តំណាងរាស្ត្រមណ្ឌលខេត្តកំពង់ធំ លោក ទុយ សុធារិទ្ធិ តំណាងឯកឧត្តម នង វាសនា និង ក្រុមការងារចុះជួយក្នុងឃុំទួលគ្រើល រួមទាំងសហការីបានចុះសួរសុខទុក្ខកុមារាហេ រស្មី ដែលមានគ្រោះថ្នាក់ដោយសាររលាកទឹកក្ដៅ រស់នៅភូមិម្រាក ឃុំទួលគ្រើល ស្រុកប្រាសាទបល្ល័ង្ក ខេត្តកំពង់ធំ។
លោកបានលើកឡើងថា ក្រោមការដឹកនាំរបស់ឯកឧត្តម សុខ លូ អភិបាល ខេត្តកំពង់ធំ ដែលបានយកចិត្តទុកដាក់ចំពោះប្រជាពលរដ្ឋដែលមានបញ្ហា និងគ្រោះថ្នាក់ផ្សេងៗ ជាក់ស្ដែងចំពោះគ្រោះថ្នាក់របស់កុមារា ហេ រស្មី នេះ ឯកឧត្តមបានយកចិត្តទុកដាក់ និងបានចង្អុលបង្ហាញមករដ្ឋបាលស្រុកក្នុងការជួយទំនុកបម្រុងលើការព្យាបាលរបស់កុមារារូបនេះឱ្យបានជាសះស្បើយ ក្នុងនោះដែលរដ្ឋបាលស្រុក និងក្រុមការងារចុះជួយឃុំទួលគ្រើល រួមទាំងសប្បុរសជន បាននាំយកអំណោយផ្ដល់ជូនគ្រួសារនេះមួយចំនួន ដែលអាចជួយសម្រួលការខ្វះខាតបានមួយផ្នែកក្នុងរយ:ពេលខ្លី ប្រសិនបើមានការខ្វះខាត ឬបញ្ហាផ្សេងៗត្រូវផ្តល់ដំណឹងមកមេឃុំ ឬ ស មា ជិកភូមិ ឃុំ ដើម្បីយើងមានវិធានការឆ្លើយតបបានទាន់ពេលវេលា ម្យ៉ាងទៀត ការសួរសុខទុក្ខក្នុងពេលនេះ គឺជាយកចិត្តទុកដាក់របស់ថ្នាក់ដឹកនាំ ដែលតែងតែគិតគូរប្រជាពលរដ្ឋ រួមសុខរួមទុក្ខជាមួយគ្នា ដោយមិនប្រកាន់ វណ្ណៈ ជាតិសាសន៍ ពណ៌សម្បុរ ឬនិន្នា កា រ ន យោ បា យអ្វីនោះឡើយ គឺយើងជួយពួកគាត់ក្នុងនាមមនុស្សធម៌ និងជាវប្បធម៌ នៃការ ចែ ក រម្លែ កបានទាន់ពេលវេលា មិនទុកឱ្យពួកគាត់ខ្វះខាត រឺឯកកោនោះឡើយ។ និងសូមពាំនាំការផ្ដាំផ្ញើសួរសុខទុក្ខ ការនឹករលឹក ពីប្រមុខថ្នាក់ដឹកនាំគ្រប់លំដាប់ថ្នាក់ និងឯកឧត្តម សុខ លូ អភិបាល ខេត្តកំពង់ធំ និងលោកជំទាវ ដែលតែងតែគិតគូរ ពីសុខទុកបងប្អូន ដោយធ្វើយ៉ាងណាមិនត្រូវទុកឱ្យបងប្អូនប្រជាពលរដ្ឋណាម្នាក់ចោលនោះទេ។
លោក អភិបាលស្រុក អំពាវនាវនិងផ្ដាំផ្ញើរ ដ៏មុតស្រួច ដែលជាអាណាព្យាបាលសូមជួយមើលថែរក្សានិងយកចិត្តទុកដាក់ចំពោះកុមារារូបនេះដោយយកទៅមន្ទីរពេទ្យ ដើម្បីព្យាបាលជាប្រចាំឱ្យបានជាសះស្បើយ ជៀសវាងកុំឲ្យមានគ្រោះថ្នាក់ឬពិការភាព និង សូមអោយបងប្អូនប្រជាពលរដ្ឋ ទាំងអស់ ចូលរួមរក្សាអនាម័យខ្លួនឯងជានិច្ចត្រូវលាង ដៃនឹងសាប៊ូឱ្យបានស្អាត សូមបងប្អូនប្រជាពលរដ្ឋទាំងអស់ចូលរួមបង្ការនិងទប់ស្កាត់ការរីករាលដាលជំងឺឆ្លងកូវិដ១៩ រស់នៅមិនមានការប្រមូលផ្តុំ ។
ជាចុងក្រោយ លោកអភិបាល ក៏បានផ្ដល់អំណោយ ដែលជាការចូលរួមរបស់សប្បុរសជនក្នុងការចែករំលែកនឹងដឹងទុក្ខលំបាកដល់ពេលគ្រួសារមួយនេះ ដែលទទួលបាន អង្ករ ៧០ គីឡូ ក្រម៉ា៣ ត្រីខ ១ យួរ មី ១កេស ទឹកត្រី១យួ និងសាប៊ូ ២ដុំ និងថវិកាចំនួន ២៤២០០០០ រៀលផងដែរ។
