(កំពង់ចាម) ៖ ក្នុងជំនួបសម្តែងការគួរសមជាមួយ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម នារសៀលថ្ងៃចន្ទ ទី១៧ ខែមិថុនា ឆ្នាំ២០២៤ នៅសាលាខេត្តកំពង់ចាម លោក ស៊ុត សារ៉េត និងលោកស្រី ម៉ៅ សាវឿន ខ្មែរដែលរស់នៅប្រទេសអូស្ត្រាលី ទទួលបានការស្វាគមន៍យ៉ាងកក់ក្តៅ ពីសំណាក់ឯកឧត្តមអភិបាលខេត្ត ក្នុងនាមខ្មែរបេះដូងតែមួយ ។
នៅថ្ងៃដដែល ឯកឧត្ត អ៊ុន ចាន់ដា ក៏បានចាត់ក្រុមការងារជូនដំណើរ លោក ស៊ុត សារ៉េត និងក្រុមការងារ ទៅទស្សនកិច្ចលំនៅឋានកំណើត របស់សម្តេចអគ្គមហាសេនាបតីតេជោ ហ៊ុន សែន ស្ថិតនៅភូមីពាមក្នុង ឃុំពាមកោះស្នា ស្រុកស្ទឹងត្រង់ ខេត្តកំពង់ចាម។
