កំពង់ធំ ៖ ឯកឧត្តម ថោង ខុន រដ្ឋមន្ត្រីក្រសួងទេសចរណ៍នៅថ្ងៃទី ២១ ខែវិច្ឆិកាឆ្នាំ២០២០ បានអញ្ចើញចុះចែកអំណោយដល់ប្រជាពលរដ្នចំនួន៥ឃុំស្មើរនឹង ៧៥០គ្រួសារ អមដំណើរដោយឯកឧត្តម សុខ លូ អភិបាលនៃគណៈអភិបាលខេត្តកំពង់ធំ ព្រមទាំងប្រតិភូម្ចាស់អំណោយ លោកឧកញ៉ា យុម ស៊ូសាង ប្រធានសមាគមពាណិជ្ជកម្មហុងកុងប្រចាំកម្ពុជា នឹងលោកស្រី វ៉ុង ស្វីវ៉ា អនុប្រធាននឹងជាអគ្គលេខាធិការនៃសមាគមពាណិជ្ជកម្មចិនហុងកុងនឹងម៉ាកែវប្រចាំកម្ពុជា ព្រមទាំងលោក លូ ម៉េង ប្រធានសហព័ន្ធទេសចរណ៍កម្ពុជា។
ឯកឧត្តម ថោង ខុន រដ្ធមន្ត្រីក្រសួងទេសចរណ៍ប្រសាសន៍ទៅកាន់បងប្អូនប្រជាពលរដ្ឋថាសូមអោយបងប្អូនប្រជាពលរដ្ឋទាំងអស់ចេះថែរក្សាខ្លួននឹងពាក់ម៉ាស់អោយបានគ្រប់ៗគ្នាដើម្បីការពារជម្ងឺដ៏កាចសាហាវកូវិត១៩ដែលកំពុងរាតល្បាតនៅលើពិភពលោកនាពេលបច្ចុប្បន្ននេះ ដូច្នេះយើងទាំងអស់គ្នាត្រូវការពារជានិច្ចមិនត្រូវធ្វេសប្រហែសនោះទេ។
ឯកឧត្តមបានមានប្រសាសន៍បន្តទៀតថានៅក្នុងខេត្តកំពង់ធំ ដោយឡែកនៅក្នុងស្រុកស្ទោងកន្លងមកមានប្រជាពលរដ្ឋរងគ្រោះដោយសារជំនន់ទឹកភ្លៀងច្រើនជាងគេហើយក៏បានទទួលអំណោយជាបន្តបន្ទាប់មកដែរជាពិសេស សម្ដេចអគ្គមហាសេនាបតីតេជោហ៊ុនសែននាយករដ្នមន្ត្រីនៃព្រះរាជាណាចក្រកម្ពុជាយើងមិនអោយបងប្អូនណាជួបនិងការលំបាកអត់អាហានោះទេ។
អំណោយដែលផ្ដល់ជូនប្រជាពលរដ្ឋមានចំនួន៥ឃុំ ស្មើនឹង៧៥០គ្រួសារនៅថ្ងៃនេះក្នុង១គ្រួសារៗទទួលបានអង្ក២៥គីឡូក្រាម មី១កេសទឹកសុទ្ធ១កេស ត្រីខកំប៉ុង១យួរ ទឹកត្រី១យួរ ទឹកស៊ីអ៊ីវ១យួរ ថ្នាំពេទ្យTIFFY ៥បន្ទះ។
ប្រជាពលរដ្ឋបានថ្លែងអំណរអរគុណដល់ ឯកឧត្តម ថោង ខុន រដ្ឋមន្ត្រី ក្រសួងទេសចរណ៍ ព្រមទាំងប្រតិភូអមដំណើរ ដោយសំដែងនូវទឹកចិត្តត្រេកអរ ដែលរដ្នាភិបាលបានយកចិត្តទុកដាក់ជួយពលរដ្នអោយរួចផុតពីគ្រោះធម្មជាតិ ព្រមទាំងបានផ្ដល់អំណោយដល់ពលរដ្នដែលកំពុងតែជួបប្រទះនិងជីវភាពលំបាកលំបិន ៕
