កំពង់ធំ ៖ ខណះពេលដែលប្រជាពលរដ្នប្រមូលផលស្រូវវស្សាជិតបញ្ចប់ទន្ទឹមនិងនោះប្រជាកសិករក្នុងស្រុកសណ្ដាន់ ខេត្តកំពងធំ ក៏កំពង់ប្រមូលផលដំណាំដំឡូងមីយ៉ាងមមាញឹកផងដែរ ការប្រមូលផលដំឡូងមីនេះត្រូវបាន ក្រុមហ៊ុន ប្រទេសវៀតណាម បានមកទិញដល់ទីកន្លែងតែម្ដង ធ្វើអោយប្រជាកសិករសប្បាយចិត្តក្នុងការដាំនិងលក់ផលដំណាំមួយនេះ បើទោះបីរតំលៃមិនសូវបានខ្ពស់ក៏ដោយ ក៏ពលរដ្នសប្បាយចិត្ត ដែលក្រុមហ៊ុនតម្រូវការទិញដំឡូងស្រស់មិនបាច់ហាលដូចមុននោះឡើយ។
ក្នុងស្ដង់ទិញដំឡូងស្រស់នីមួយៗ ម្ចាស់អាចទិញដំឡូងស្រស់ក្នុង១ថ្ងៃ៨០តោន ទៅ១០០តោន ឯតំលៃវិញពលរដ្នលក់ដំឡូងស្រស់ក្នុង១គីឡូក្រាម ៣៦០រៀលអោយទៅម្ចាស់ស្ដង់ ហើយម្ចាស់ស្ដង់អាចលក់ចេញអោយក្រុមហ៊ុនវៀតណាម១គីឡូក្រាម ៣៧០រៀល ។
តាមការពិនិត្យជាក់ស្ដែងស្ដង់ទិញដំឡូងស្រស់នៅក្នុងស្រុកសណ្ដាន់ មានច្រើនកន្លែង បច្ចុប្បន្ននេះប្រជាកសិករកំពុងតែកាប់គាស់យ៉ាងមមាញឹកប្រមូលផលដំឡូងលក់ក្នុង១ថ្ងៃៗរាប់រយតោន។
លោក ឡង់ គឺសឹង អភិបាលស្រុកសណ្ដាន់ បានមានប្រសាសន៍ថា ស្ដង់ទិញដំឡូងស្រស់មានចំនួន២៧ កន្លែងទូទាំងស្រុកសណ្ដាន់ ក្នុងនោះមាននៅឃុំសុចិត្រ២ស្តង់ ឃុំទំរីង១៣ស្ដង់ ឃុំ ងន២ស្ដង់ ឃុំសណ្តាន់៣ស្ដង់ ឃុំ មានរិទ្ធិ៧ស្ដង់ ចំណែកចំការដំឡូងរបស់ប្រជាកសិករវិញមាន ជាង១ម៉ឺនហិចតា ទូទាំងស្រុកសណ្ដាន ៕
