កំពង់ធំ ៖ យោងតាមកំណត់ហេតុរបស់អធិការស្រុកស្ទោងនៅថ្ងៃទី១២ ខែកក្កដា ឆ្នាំ ២០២១ ម៉ោង១៩និង២៥នាទីបានអោយដឹងថាមានករណីឃាតកម្មបង្ករដោយជនសង្ស័យជាក្មួយប្រសារនិងឪពុកមារសាច់ថ្លៃដោយសារ ទំនាស់ពាក្យសម្តីក្នុងពេលផឹកស៊ី រឿងព្រំដី ឈានដល់ការកាប់សំលាប់គ្នា ហេតុការណ៍នេះបានកើតឡើងនៅក្នុងនៅភូមិឈូក ឃុំប្រឡាយ ស្រុកស្ទោងខេត្តកំពង់ធំ។
តាមកំណត់ហេតុរបស់សមត្ថកិច្ចបានអោយដឹងថា ជាក្មួយប្រសារ ឈ្មោះ មិត ពុធ ភេទប្រុស អាយុ ៤០ឆ្នាំ មានទីលំនៅភូមិ ឃុំកើតហេតុ(ផ្ទះជាប់របងជាមួយជនរងគ្រោះ) បានយកពូថៅកាប់ជនរងគ្រោះជាឪពុកមារសាច់ថ្លៃឈ្មោះ ឃន ស៊ន់ ភេទប្រុស អាយុ៦៤ឆ្នាំ ទីលំនៅភូមិ ឃុំកើតហេតុ បណ្ដាលអោយចំក្រោមដងកាំបិតខាងឆ្វេង១កន្លែង ហូរឈាមស្រោចពេញខ្លួនស្លាប់ភ្លាមៗនៅនឹងកន្លែងកើតហេតុ(ផ្ទះជនរងគ្រោះ)។
មូលហេតុ ៖ ទំនាស់ពាក្យសម្តីក្នុងពេលផឹកស៊ី រឿងព្រំដី ។
លោក យ៉ងសំ អធិការនគរបាលស្រុកស្ទោងបានសរសេរថា នៅមុនពេលកើតហេតុ ម៉ោងប្រហែល១៩ ជនរងគ្រោះនិងជនសង្ស័យ រួមនិងមិត្តភក្ត័ពីរនាក់ទៀតបាននាំគ្នាផឹកស្រា សរ នៅក្រោមផ្ទះជនរនរងគ្រោះរហូតស្រវឹងរៀងៗខ្លួនហើយក៏កើតជាទំនាស់ពាក្យសំដី រឿងព្រំដី រវាងជនសង្ស័យនិងជនរងគ្រោះ ខណៈនោះជនសង្ស័យ បានយកកែវស្រាគប់លើជនរងគ្រោះ និងបានរត់ទៅផ្ទះរបស់ខ្លួនយកពូថៅមកកាប់ជនរងគ្រោះចំក្រោមឆ្អឹងជំនីខាងឆ្វេងបណ្តាលឲ្យស្លាប់នៅកន្លែងហេតុ ក្រោយធ្វើសកម្មភាពរួចជនសង្ស័យ បានរត់គេចខ្លួនបាត់ !ក្រោយសមត្ថកិច្ចទទួលព័ត៌មានអធិការបានដឹកនាំកម្លាំងសហការជាមួយប្រជាការពារបានតាមចាប់ឃាត់ខ្លួនជនសង្ស័យបានចំងាយប្រមាណជា១៥០ម៉ែត្រ ទិសខាងជើងកន្លែងកើតហេតុ ដែលសំងំលាក់ខ្លួនក្រោមជង្រុកស្រូវឪពុកបង្កើត។ករណីនេះ សមត្តកិច្ចយើងកំពុងកសាងសំណុំរឿងទៅតាមនិតិវិធី៕
