(រដ្ឋបាលខេត្តកំពង់ធំ) ៖ ឯកឧត្តម ងួន រតនៈ អភិបាលខេត្តកំពង់ធំ និងលោកជំទាវ ដឹកនាំមន្ត្រីរាជការចំណុះរដ្ឋបាលសាលាខេត្ត អញ្ជើញចូលរួមក្នុងពិធីចម្រើនព្រះបរិត្តសូត្រមន្តវេនបិណ្ឌទី៧ របស់រដ្ឋបាលសាលាខេត្តកំពង់ធំ នៅវត្តឥន្ទ្រីយ៍សំវរៈ(ហៅវត្តកំពង់ធំ) ស្ថិតនៅភូមិក្តី សង្កាត់ព្រៃតាហ៊ូ ក្រុងស្ទឹងសែន ខេត្តកំពង់ធំ នារសៀលថ្ងៃទី១៦ ខែកញ្ញា ឆ្នាំ២០២២។
ពិធីបុណ្យកាន់បិណ្ឌនិងភ្ជុំបិណ្ឌមានអត្ថន័យជ្រាលជ្រៅក្នុងសង្គមខ្មែរ តាំងពីបុរាណកាលមក ហើយពិធីនេះបាន ប្រារព្ធឡើងដើម្បីឧទ្ទិសកុសលផលបុណ្យជូនបុព្វការីជនដែលបានចែកឋានទៅកាន់បរលោក មានឪពុក ម្តាយ ជីដូន ជីតាជាដើម និងបុព្វបុរសដែលបានពលីជីវិតដើម្បីប្រទេសជាតិ ។
សូមបញ្ជាក់ផងដែរថា ពិធីបុណ្យកាន់បិណ្ឌនិងភ្ជុំបិណ្ឌ ប្រារព្ធធ្វើឡើងមានរយៈពេល ១៥ថ្ងៃ ចាប់ពីថ្ងៃ១រោច ខែភទ្របទ រហូតដល់ថ្ងៃ១៥រោច ខែភទ្របទ ។
