ទាន់ហេតុការណ៍
ផ្លូវ​ថ្មើរជើង (Walk Street) ភ្នំពេញ បាន និង​កំពុង​ទទួល​បាន​ការចាប់​អារម្មណ៍​យ៉ាងខ្លាំង​ពី​ប្រជាពលរដ្ឋ ជាពិសេស ប្រជាពលរដ្ឋ​ដែល​រស់នៅ​ក្នុង​រាជធានី​ភ្នំពេញ​ - ឯកអគ្គរដ្ឋទូត​ហ្វាំង​ឡ​ង់​ថ្មី ប្ដេជ្ញា​ពង្រឹង និង​ពង្រីក​កិច្ចសហប្រតិបត្តិការ​ជាមួយ​កម្ពុជា ឱ្យ​កាន់តែ​រីកចម្រើន​បន្ថែម​ទៀត - សម្តេច​មហា​បវរ​ធិបតី ហ៊ុន ម៉ា​ណែ​ត​អញ្ជើញ​ជា​អធិបតី​ដ៏​ខ្ពង់ខ្ពស់ ក្នុង​ពិធី​ប្រគល់​សញ្ញាបត្រ​ជូន​ដល់​និស្សិត​ជ័យលាភី​ចំនួន ៤ ៤២៦​នាក់ (​នារី ៣ ៩២៤​នាក់​) នៅ​វិទ្យាស្ថាន​វ៉ាន់ដា - សម្តេច​មហា​បវរ​ធិបតី ហ៊ុន ម៉ា​ណែ​ត និង​លោកជំទាវ​បណ្ឌិត ពេ​ជ ចន្ទ​មុន្នី ផ្តល់​ម៉ូតូ ចំនួន ២២​គ្រឿង ដល់​អាជ្ញាធរ​ភូមិ ក្រុមគ្រូពេទ្យ និង​គ្រូ​បង្រៀន នៅ​ភូមិ​ប៊ុនរ៉ានី​សែន​ជ័យ​ដំណាក់​ទ្រយឹង ឃុំ​ព្រ​ងិល ស្រុក​ភ្នំក្រវាញ ខេត្ត​ពោធិ៍សាត់​ - រូបសំណាក​ធ្នូ​សទោង នឹង​ប្រតិស្ឋាន​លើ​ទឹកដី​ស្រុក​ស្ទោង​ក្នុងពេល​ឆាប់ៗ​នេះ​ - សម្តេច ម៉ែន សំអន កោត​ស​សើរ​ចំពោះ​ការចូលរួម​ចំណែក​របស់​សាខា​សមាគមនា​រី​កម្ពុជា​ដើម្បី​សន្តិភាព និង​អភិវឌ្ឍន៍​ក្រសួង​ព័ត៌មាន​ក្នុង​ការងារ​ផ្សព្វផ្សាយ​ព័ត៌មាន​នៅ​កម្ពុជា​ - ក្រុមហ៊ុន​សាជីវកម្ម​ធនធានទឹក​កូរ៉េ (K-water) ស្វែងរក​ឱកាស​វិនិយោគ​ក្នុង​វិស័យ​គ្រប់គ្រង​ធនធានទឹក នៅ​កម្ពុជា​ - ពិធី​សំណេះសំណាល​និស្សិត​ជ័យលាភី​អាហារូបករណ៍ សម្ដេច​អគ្គមហាសេនាបតី​តេជោ ហ៊ុន សែន និង សម្ដេច​កិត្តិ​ព្រឹទ្ធ​បណ្ឌិត (​អ​.​ម​.​ត​) - ​អនុប្រធាន​ក្រុមហ៊ុន TotalEnergies ប្រចាំ​តំបន់​អូ​សេ​អា​នី និង​អាស៊ី​អាគ្នេយ៍​បាន​វាយតម្លៃ​ជា​វិជ្ជមាន​ចំពោះ​ស្ថានភាព​វិនិយោគ​នៅ​កម្ពុជា​ - ឯកឧត្តម​អភិ​សន្តិ​បណ្ឌិត ស សុខា ណែនាំ​ការងារ​គន្លឹះ​ដើម្បី​ដោះស្រាយ​បញ្ហា​ចរាចរណ៍​ឆ្នាំ​២០២៥
0

សម្តេច​ធិបតី ហ៊ុន ម៉ា​ណែ​ត និង​លោកជំទាវ អញ្ជើញ​សម្ពោធ​ដាក់ឱ្យ​ប្រើប្រាស់​ជា​ផ្លូវការ «​មន្ទីរពេទ្យ​ជាតិ តេជោ​សន្តិភាព​» និង​ប្រកាស​ដាក់​ឱ្យ​អនុវត្ត​ជា​ផ្លូវការ​នូវ​កម្ម​វិធី​ទី​១ នៃ​គោលនយោបាយ​ជា​អាទិភាព​ទាំង​៦

សម្តេច​ធិបតី ហ៊ុន ម៉ា​ណែ​ត និង​លោកជំទាវ អញ្ជើញ​សម្ពោធ​ដាក់ឱ្យ​ប្រើប្រាស់​ជា​ផ្លូវការ «​មន្ទីរពេទ្យ​ជាតិ តេជោ​សន្តិភាព​» និង​ប្រកាស​ដាក់​ឱ្យ​អនុវត្ត​ជា​ផ្លូវការ​នូវ​កម្ម​វិធី​ទី​១ នៃ​គោលនយោបាយ​ជា​អាទិភាព​ទាំង​៦

​នៅ​ព្រឹក​ថ្ងៃ​អង្គារ ទី​២៤ ខែតុលា ឆ្នាំ​២០២៣ សម្តេច​មហា​បវរ​ធិបតី ហ៊ុន ម៉ា​ណែ​ត នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ​និង​លោកជំទាវ​បណ្ឌិត ពេ​ជ ចន្ទ​មុន្នី ហ៊ុន​ម៉ា​ណែ​ត អញ្ជើញ​ជា​អធិបតី​ក្នុង​ពិធី​សម្ពោធ​ដាក់ឱ្យ​ប្រើប្រាស់​ជា​ផ្លូវការ «​មន្ទីរពេទ្យ​ជាតិ តេជោ​សន្តិភាព​» និង​ប្រកាស​ដាក់​ឱ្យ​អនុវត្ត​ជា​ផ្លូវការ​នូវ​កម្ម​វិធី​ទី​១ នៃ​គោលនយោបាយ​ជា​អាទិភាព​ទាំង​៦ គឺ «​ការពង្រីក វិសាលភាព​មូលនិធិ​សមធម៌​ដល់​គ្រួសារ​ងាយ​រង​ហានិភ័យ​»​។​

​មន្ទីរពេទ្យ «​តេជោ​សន្តិភាព​» គឺជា​មន្ទី​ពេទ្យ​ដ៏​ធំ​ជាងគេ​បំផុត​នៅក្នុង​ប្រទេស​កម្ពុជា ដែល​បាន​ចាប់ផ្តើម​សាងសង់ កាលពី​ថ្ងៃ​ទី​២៨ ខែ​មីនា ឆ្នាំ​២០២២ ដោយ​ក្រុមហ៊ុន ស៊ីជេ​អ៉ី​ស៊ី CJEC co,Ltd សហការ​ជាមួយ​សាលា​រាជធានី​ភ្នំពេញ នៅលើ​ផ្ទៃដី​ប្រមាណ ៧.៥៨​ហិកតា ជាប់​វិថី​ឈ្នះ​ឈ្នះ ស្ថិតក្នុង​សង្កាត់​គោក​រកា ខណ្ឌ​ព្រែក​ព្នៅ រាជធានី​ភ្នំពេញ​។ មន្ទីរពេទ្យ​ជាតិ​នេះ មាន​គ្រែ​សរុប​ទាំងអស់​ចំនួន ៩,៤៩៦​គ្រែ ក្នុងនោះ​គ្រែ​សម្រាក​ព្យាបាល​សម្រាប់​អ្នកជំងឺ​មាន​ចំនួន​សរុប ៩,២៤៤​គ្រែ គ្រែ​សម្រាប់​គ្រូពេទ្យ​ប្រចាំការ​ចំនួន ៤៦​គ្រែ និង​គ្រែ​សម្រាប់​បុគ្គលិក​ស្នាក់នៅ​ចំនួន​២០៦​គ្រែ​។​

​សម្តេច​ធិបតី ហ៊ុន ម៉ា​ណែ​ត នាយករដ្ឋមន្ត្រី នៃ​ព្រះរាជាណាចក្រ​កម្ពុជា បាន​បង្ហាញ​នូវ​ក្តីសង្ឃឹម​ថា​«​មន្ទីរពេទ្យ​ជាតិ តេជោ​សន្តិភាព​» នឹង​ទទួលបាន​នូវ​សេវា​សុខាភិបាល​ប្រកបដោយ​គុណភាព ខណៈ​មន្ទីរពេទ្យ​ដ៏​ធំ​ជាងគេ​នៅ​កម្ពុជា អាចដាក់​គ្រែ​អ្នកជំងឺ​បាន​រហូតដល់​ជិត​១​ម៉ឺន​គ្រែ​។​សម្តេច​ធិបតី​បាន​មានប្រសាសន៍​បញ្ជាក់​ថា ការ​ដាក់ឲ្យ​ប្រើប្រាស់​នូវ​«​មន្ទីរពេទ្យ​ជាតិ តេជោ​សន្តិភាព​»​នាពេលនេះ គឺជា​ការដោះស្រាយ​សេវា​សុខាភិបាល​ជូន​ដល់​បងប្អូន​ប្រជាពលរដ្ឋ គ្រប់​ពហុ​ព្យាបាល ហើយ​មន្ទីរពេទ្យ​នេះ ក៏​ជា​ការជួយ​រែកពុន​ដល់​មន្ទីរពេទ្យ​ផ្សេងៗ​ផងដែរ​។​សម្ដេច​ធិបតី​បាន​បញ្ជាក់ទៀតថា ការរៀបចំ «​មន្ទីរពេទ្យ​ជាតិ​តេជោ​សន្តិភាព​» នាពេលនេះ គឺជា​យុទ្ធសាស្ដ្រ​យូរអង្វែង​របស់​រាជរដ្ឋាភិបាល និង​ជា​កន្លែង​ជួយ​រែកពុន​នូវ​ការ​ចាំបាច់​ណាមួយ​ដែល​កម្ពុជា​ជួបប្រទះ ដូចជា​ករណី​ជំងឺ​កូវី​ដ​-១៩​ជាដើម ក្រោម​ចក្ខុវិស័យ​ដ៏​វែងឆ្ងាយ​របស់​សម្ដេច​តេជោ ហ៊ុន សែន​។​

​សម្តេច​ធិបតី​នាយករដ្ឋមន្ត្រី បាន​មាន​ប្រសា​ន៍​បញ្ជាក់ថា ការសម្ពោធ​«​មន្ទីរពេទ្យ​ជាតិ តេជោ​សន្តិភាព​»​នាពេលនេះ មិនមែន​សម្រាប់​តែ​បម្រើ​ដល់​បងប្អូន​ប្រជាពលរដ្ឋ​នៅក្នុង​រាជធានី​ភ្នំពេញ​ប៉ុណ្ណោះ​ទេ គឺ​នឹង​បម្រើ​ដល់​ប្រជា​ពលរដ្ឋ​គ្រប់រូប​ទាំងអស់​នៅ​ទូទាំង​ប្រទេស រួម​ទាំង​ជនជាតិ​បរទេស​ដែល​កំពុង​រស់​នៅ​កម្ពុជា​ផងដែរ​។​ការវិនិយោគ​ទៅលើ​ការអប់រំ និង​សុខាភិបាល​នូវតែ​ជា​វិស័យ​អាទិភាព​ដែល​រាជរដ្ឋាភិបាល​ត្រូវ​យកចិត្តទុកដាក់ ពីព្រោះ​ប្រទេស​ជាតិ​មាន​ការអភិវឌ្ឍ​រីកចម្រើន​គឺ​អាស្រ័យ​លើ​ធនធានមនុស្ស ហើយ​ធនធានមនុស្ស​ដែល​មាន​គុណភាព មាន​ផលិតភាព គឺជា​ធនធាន​មនុស្ស​ដែល​មាន​សុខភាព​ល្អ​។​

​នៅថ្ងៃនេះ សម្ដេច​ធិបតី​នាយករដ្ឋមន្ត្រី បាន​មានប្រសាសន៍ថា ពលរដ្ឋ​ដែល​បាន​ប្រើប្រាស់​មូលនិធិ​សមធម៌​កន្លងមក មាន​ជាង​១៤​លាន​ករណី ដែល​បាន​ប្រើប្រាស់​បណ្ណ​សមធម៌ ឬ​បណ្ណ​ក្រីក្រ ដើម្បី​ទទួលបាន​សេវា​ព្យាបាល​នៅតាម គ្រឹះស្ថាន​សុខាភិបាល​នានា ដោយ​មិន​ចាំបាច់​បង់ប្រាក់​។​សម្ដេច​ធិបតី​នាយករដ្ឋមន្ត្រី បាន​ជូនពរ​ពលរដ្ឋ​កម្ពុជា​ទាំងអស់ សូម​មាន​សុខភាព​ល្អ​គ្រប់ៗ​គ្នា តែបើ​មាន អាការ​មិន​ស្រួល ឬ មាន​ជំងឺ​ណាមួយ សូម​រួសរាន់​មកកាន់​មន្ទីរពេទ្យ​ដែល​មាន​គ្រូពេទ្យ​ជំនាញ​រង់ចាំ​ពិនិត្យ និង​ព្យាបាល​ជំងឺ​។​

​សម្ដេច​ធិបតី​នាយករដ្ឋមន្ត្រី បាន​មានប្រសាសន៍​ទៀតថា រាជរដ្ឋាភិបាល​នៅ​អាណត្តិ​ទី​៧ នេះ នឹង​ពង្រឹង​វិស័យ​សុខាភិបាល​ឱ្យ​កាន់ តែ​ប្រសើរឡើង​ថែម​ទៀត តាមរយៈ​ការពង្រឹង​សមត្ថភាព​គ្រូពេទ្យ ពង្រាយ​បុគ្គលិក​ពេទ្យ​ដែល​មាន​សមត្ថភាព និង​ក្រមសីលធម៌​វិជ្ជាជីវៈ ទៅដល់​គ្រប់​មូលដ្ឋាន​ភូមិ ឃុំ​។​សម្ដេច​បាន​ស្នើ​ដល់​គ្រូពេទ្យ​នៅ​តាម​តំបន់​នានា ត្រូវ​បង្កើន​សមត្ថភាព​នៅក្នុង​ការព្យាបាល​ជំងឺ​ជូន​ពលរដ្ឋ ដើម្បី​កុំឱ្យ​ពិបាក​ដឹក​មក​ភ្នំពេញ ជាពិសេស​ករណី​ជំងឺ​ធ្ងន់ធ្ងរ​ដែល​ទាមទារ​ការសង្គ្រោះ​បន្ទាន់​។ សម្ដេច​ធិបតី​ក៏​បាន​ស្នើ​ឱ្យ​បង្កើន​ការយកចិត្តទុកដាក់​ទៅលើ​សុវត្ថិភាព​អាហារ​ចំណី និង​ឱសថ​សម្រាប់​ព្យាបាល​ជំងឺ​។​

​នៅថ្ងៃនេះ សម្ដេច​ធិបតី ហ៊ុន ម៉ា​ណែ​ត បាន​បន្ត​អំពាវនាវ​ដល់​អ្នក​លក់​ផលិតផល​ផ្សេងៗ ជាពិសេស​ផលិតផល​ពី​ក្រៅប្រទេស ត្រូវ​សហការ​ជាមួយ​ក្រសួង​សុខាភិបាល ដើម្បី​ពិនិត្យ​លើ​ផលិតផល​ទាំងនោះ​ឱ្យបាន​ច្បាស់លាស់ និង​ធានា​ដល់​សុខ​សុវត្ថិភាព​របស់​ប្រជាជន​ដែល​ជា​អ្នកប្រើប្រាស់​។ សម្ដេច​ធិបតី​ក៏​បាន​ស្នើ​គ្រប់​គ្រូពេទ្យ​ទាំងអស់​ត្រូវ​គោរព​ក្រមសីលធម៌​វិជ្ជាជីវៈ និង​យកចិត្តទុកដាក់​ព្យាបាល​ជំងឺ​ជូន​ពលរដ្ឋ​នានា ឱ្យ​ដូច​ការព្យាបាល​ជូន​សមាជិក​ក្រុមគ្រួសារ​ខ្លួន​ដែរ​។

​មុន​នឹង​បញ្ចប់ សម្ដេច​មហា​បវរ​ធិបតី ហ៊ុន ម៉ា​ណែ​ត ក៏​បាន​អញ្ជើញ​ផ្ដល់​កិត្តិយស​បំពាក់​គ្រឿង​ឥស្សរិយយស និង​មេដាយ​ជូន​ដល់​មន្ត្រី​សុខាភិបាល​ដែល​មាន​ស្នាដៃ​ល្អ​មួយចំនួន​។ បន្ទាប់មក សម្តេចនាយក​រដ្ឋមន្ត្រី និង​លោកជំទាវ ក៏​បាន​អញ្ជើញ​ពិនិត្យមើល​មន្ទីរពេទ្យ​ថ្មី ទៅ​តាម​បន្ទប់​នី​មួយៗ ក្នុង​បរិយាកាស​រីករាយ​បំផុត​៕

Filed in: ព័ត៌មានជាតិ

Leave a Reply

Submit Comment
«អាំងប៊ុនហូវព័ត៌មាន | ABHNews» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 095 66 25 25 / 096 99 02 168 / 097 333 05 55 សូមអរគុណ !»

©២០១៨ រក្សាសិទ្ធិ ដោយ «អាំងប៊ុនហូវព័ត៌មាន | ABHNews» | 095 66 25 25 / 096 99 02 168 / 097 333 05 55

សហការផ្តល់ព័ត៌មាន៖ 095 66 25 25 / 096 99 02 168 / 097 333 05 55 | អ៊ីម៉ែល ៖ aingbunhov@gmail.com