កំពង់ធំ ៖ ថ្ងៃសុក្រ ៨កើត ខែជេស្ឋ ឆ្នាំជូត ទោស័ក ពុទ្ធសករាជ ២៥៦៤ត្រូវនឹងថ្ងៃទី ២៩ ខែឧសភា ឆ្នាំ២០២០ នៅចំណុច អូរតាញ៉ែម ភូមិសាស្ត្រ ភូមិត្រើយម្យ៉ាប ឃុំប្រាសាទ ស្រុកសន្ទុកខេត្តកំពង់ធំ។ មានករណី រន្ទះបាញ់បុស់កំពង់ភ្ជួរស្រែពេលមេឃកំពង់ភ្លៀង សពជនរងគ្រោះមានឈ្មោះមី ម៉ៅ ភេទប្រុស អាយុ 27 ឆ្នាំជនជាតិខ្មែរ មុខរបរជាកសិករ រស់នៅភូមិ ត្រើយម្យ៉ាប ឃុំប្រាសាទ ស្រុកសន្ទុកខេត្តកំពង់ធំ។
បើតាមសមត្ថកិច្ចអោយដឹងថា ជនរងគ្រោះបាននឹងកំពុងតែភ្ជួរស្រែនៅពេលមេឃកំពុងតែមានភ្លៀងនៅចំណុចកើតហេតុ និង វេលាម៉ោង12:25នាទី ត្រូវបានរន្ទះ បាញ់ស្លាប់ភ្លាមៗនៅនឹងកន្លែងភ្ជួរដីតែម្តង។
ក្រោយពី សមត្ថកិច្ចស្រុកទទួលបានព័ត៌មានហើយបានចុះទៅពិនិត្យសាកសពពុំឃើញមានស្លាកស្នាមអ្វីទេ គ្រាន់តែទុនខ្លួនប៉ុណ្ណោះ។
មូលហេតុ:ទៅភ្ជួរស្រែ មេឃកំពង់ភ្លៀង ត្រូវបានរន្ទះបាញ់ស្លាប់តែម្ដង។ សាកសពត្រូវបានក្រុមគ្រួសារយកទៅធ្វើបុណ្យតាមប្រពែណីយ៍ ៕
