កំពង់ធំ៖ អាសូរណាស់ បុរសម្នាក់ទៅភ្ជួរស្រែពេលមេឃកំពង់ភ្លៀង ត្រូវរន្ទះបាញ់ស្លាប់ភ្លាមៗ នៅពេលកំពង់ភ្ជួរដីកាលពីវេលាម៉ោង ១៤: ៤៥ នាទីថ្ងៃសុក្រ ៨ កើត ខែជេស្ឋ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី ២៩ ខែឧសភា ឆ្នាំ២០២០ ស្ថិតនៅភូមិរកា សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ ។
សពជនរងគ្រោះឈ្មោះ កែ មីន ភេទប្រុស អាយុ ៤១ឆ្នាំ ជនជាតិខ្មែរ មុខរបរកសិករ មានទីលំនៅភូមិរកា សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ ។
ទទួលបានព័ត៌មានភ្លាមសមត្ថកិច្ចប៉ុស្តិ៍ និងអាជ្ញាធរភូមិ សង្កាត់ បានចុះពិនិត្យសពនៅនឹងផ្ទះការពិនិត្យពុំមានឃើញស្លាកស្នាមអ្វីគួរឲ្យកត់សម្គាល់ឡើយ, ហើយបានសន្និដ្ឋានថា ជនរងគ្រោះស្លាប់ដោយសារគ្រោះថ្នាក់ធម្មជាតិ(រន្ទះបាញ់)។
មូលហេតុ:ទៅភ្ជួរស្រែពេលមេឃកំពុងភ្លៀងត្រូវរន្ទះបាញ់ស្លាប់នៅពេលកំពុងភ្ជួរ។
បន្ទាប់ពីបានពិនិត្យចប់សព្វគ្រប់រួចហើយសពជនរងគ្រោះបានប្រគល់ជូនក្រុមគ្រួសារចាត់ចែងរៀបចំធ្វើបុណ្យតាមប្រពៃណី៕
