ខេត្តកំពង់ធំ ៖ បរសវ័យ ៥៦ ឆ្នាំម្នាក់ ត្រូវបានប្រទះឃើញថា ស្លាប់ដោយសារគាំងបេះដូង កាលពីវេលានៅម៉ោង០៦.០០នាទី ថ្ងៃព្រហស្បតិ៍ ៦កើត ខែកត្កឹក ឆ្នាំជូតទោស័ក ព.ស២៥៦៤ ត្រូវនិង ថ្ងៃទី២២.តុលា.ឆ្នាំ២០២០ នៅចំណុចភូមិព្រហ៊ូត ឃុំផាន់ញើម ស្រុកប្រាសាទបល្ល័ង្ក ខេត្តកំពង់ធំ ។
សមត្ថកច្ចនិយាយថា សាកសពឈ្មោះ ញាំង ទិត ភេទប្រុស អាយុ ៥៦ឆ្នាំ ជនជាតិខ្មែរ មុខរបរធ្វើស្រែ រស់នៅភូមិព្រហ៊ូត ឃុំផាន់ញើម ស្រុប្រាសាទបល្ល័ង្ក ខេត្តកំពង់ធំ។
តាមការបំភ្លឺរបស់ឈ្មោះ ហួន ហ៊ិន ភេទស្រី អាយុ ៦២ឆ្នាំជនជាតិខ្មែរ (ត្រូវជាប្រពន្ធ) និងកូនៗបង្កើត បានបំភ្លឺថា៖ ប្តីរបស់គាត់ តែងតែផឹកស្រា ស ស្រវឹងជារៀងរាល់ថ្ងៃ នៅថ្ងៃទី២១.តុលា.ឆ្នាំ២០២០ វេលាម៉ោងប្រហែល ១៧.១០នាទី ប្ដីរបស់គាត់ បានទៅហូបបបររួច ចូលដេកក្នុងអង្រឹងក្រោមផ្ទះ លុះម៉ោងប្រហែល ៦ព្រឹកទើបគាត់ចុះពីលើផ្ទះ មើល ប្តី ឃើញប្តីដេកស្លាប់លើអង្រឹងក្រោមផ្ទះតែម្តង។
ក្រោយទទួលព័ត៌មាន:ភ្លាម កម្លាំងជំនាញ និងប៉ុស្ដិ៍នគរបាលឃុំផាន់ញើម និងអាជ្ញាធរភូមិ-ឃុំបានធ្វើការពិនិត្យសាកសពនៅនិងកន្លែងកើតហេតុ។
តាមការពិនិត្យរបស់សមត្ថកិច្ចជំនាញ នៅដងខ្លួនសាកសព យើងពុំឃើញមានស្លាកស្នាមគួរឲ្យកត់សម្គាល់ឡើយ។
ក្រោយពិនិត្យចប់ សមត្ថកិច្ចបានធ្វើកំណត់ហេតុប្រគល់សាកសពជូនសាច់ ញាតិ យកទៅធ្វើបុណ្យតាមប្រពៃណី ។
បើតាមសន្និដ្ឋានរបស់សមត្ថកិច្ច ជនរងគ្រោះ ឈ្មោះ ញ៉ាំង ទិត បានស្លាប់ដោយជម្ងឺរបស់ខ្លួនឯង (គាំងបេះដូង)។ មូលហេតុ ដោយសារតែជនរងគ្រោះជាមនុស្សញៀនស្រាជាប្រចាំ ដែលបណ្ដាលឲ្យ គាំងបេះដូង ៕
