កំពង់ធំ ៖ នៅរសៀលថ្ងៃទី០១ ខែធ្នូ ឆ្មាំ ២០២០នេះ លោក ឃិន វណ្ណះ នាយរងផ្នែករដ្ឋបាលព្រៃឈើសណ្តាន់ បានស្ទាក់ចាប់បាន គោយន្តកន្ទ្រៃ ០២គ្រឿង ដែលដឹកឈើខុសច្បាប់ ។
ប្រភេទឈើ ដែលដឹកនោះគឺមាន(ឈើកកោះ)និង ប្រភេទឈើ (ឈើទាល) ការដឹកនោះ គឺចេញពីភូមិ រ៉ងក្នាយ ឃុំ មានរិទ្ធ ស្រុកសណ្ដាន់ ខេត្តកំពង់ធំ ។
លុះមកដល់ត្រង់ចំណុច ភូមិអូរក្រញូង ឃុំសុចិត្រ ស្រុកសណ្តាន់ ខេត្តកំពង់ធំ ទើបកំលាំងសមត្តកិច្ចជំនាញរដ្ឋបាលព្រៃឈើ ដែលដឹកនាំដោយ លោក ឃិន វណ្ណះស្ទាក់ចាំបាន។
លោក ឃិន វណ្ណៈ នាយរងផ្នែករដ្ឋបាលព្រៃឈើសណ្តាន់ បានប្រាប់សារពត៌មានយើងអោយដឹងថា គោយន្តកន្ត្រៃទាំង ០២ គ្រឿងនេះ បង្ក្រាបបាន គឺដោយសារការចូលរួមសហការជាមួយ បង+ប្អូនអ្នកសារព័តមានផងដែរ។
សូមបញ្ជាក់ផងដែរ បច្ចុប្បន្ន: គោយន្តកន្ត្រៃ ល្មើសទាំង ០២គ្រឿង នឹងវត្ថុតាងត្រូវបានយកទៅរក្សាទុកនៅផ្នែករដ្ឋបាលព្រៃឈើសណ្តាន់ រង់ចាំការដោះស្រាយតាមនីតិវិធីច្បាប់ ។
