កំពង់ធំ ៖ រដ្ឋបាលខេត្ដកំពង់ធំ នៅថ្ងៃទី០២ ខែមេសា ឆ្នាំ២០២១នេះ បានប្រកាសពីការរកឃើញមនុស្សចំនួន១៥នាក់បន្ថែមទៀត កើតជំងឺកូវីដ-១៩ ។ នេះបើតាមសេចក្ដីប្រកាសព័ត៌មាន ដែលបណ្ដាញព័ត៌មាន «គេហទំព័រ វិថីសន្តិភាព»ទទួលបាន។
រដ្ឋបាលខេត្តកំពង់ធំ បានបញ្ជាក់ថា អ្នកដែលទើបរកឃើញវិជ្ជមានជំងឺកូវីដ-១៩ ទាំង១៥នាក់ បន្ថែមនេះ សុទ្ធតែអ្នកពាក់ព័ន្ធក្នុងភូមិលាបទង ឃុំកំពង់ចិនត្បូង ស្រុកស្ទោង ខេត្តកំង់ធំ ។
ដើម្បីទប់ស្កាត់ការរីករាលដាល នៃជំងឺកូវីដ-១៩ ក្នុងភូមិលាបទង ឲ្យមានប្រសិទ្ធភាព រដ្ឋបាលខេត្តបានដាក់ចេញនូវវិធានការរដ្ឋបាលជាបន្ដបន្ទាប់។
ជាមួយគ្នានេះ រដ្ឋបាលខេត្ត ក៏សូមអំពាវនាវដល់ប្រជាពលរដ្ឋដែលមានការពាក់ព័ន្ធជាមួយអ្នកវិជ្ជមានជំងឺកូវីដ-១៩ សូមរួសរាន់ទៅផ្ដល់សំណាកដើម្បីវិភាគ រកមេរោគកូវីដ-១៩ នៅសាលាបឋមសិក្សាឈើទាល ស្ថិតក្នុងភូមិឈើទាល ឃុំកំពង់ចិនត្បូង ស្រុកស្ទោង ខេត្តកំពង់ធំ៕
