សៀមរាប៖ រថយន្តចំនួន២គ្រឿងបានបុកគ្នាបណ្ដាលឲ្យឆេះទាំងពីរ និង រងរបួសមនុស្ស ២នាក់ ហេតុការណ៍បានកើតឡើង នៅថ្ងៃព្រហស្បតិ៍ ទី២២ ខែកក្កដា ឆ្នាំ២០២១ វេលាម៉ោង០.៥០នាទី លើផ្លូវជាតិលេខ៦ ត្រង់បង្គោលគីឡូម៉ែត្រលេខ ៣៣០. ៣៣១ ភូមិគោកថ្មី ឃុំពួក ស្រុកពួក ខេត្តសៀមរាប។
យោងតាមរបាយការណ៍របស់ប៉ូលិសស្រុកពួកបានបង្ហាញថា គ្រោះថ្នាក់ចរាចរណ៍នេះ បណ្ដាលមកពីសត្វក្របើរត់ឆ្លងថ្នល់ ធ្វើអោយ រថយន្តម៉ាកTRAILERពាក់ស្លាកលេខ កំពង់ចាម3A8132 សណ្តោងរ៉ឺម៉ក ពាក់ស្លាកលេខ ភ.ព4A.8127 ព៌ណខៀវស បើកបរដោយឈ្មោះ អាំ ធារី ភេទប្រុស អាយុ៣២ឆ្នាំ នៅភូមិព្រៃចម្លាក់ ឃុំកញ្ជូ ស្រុកឆ្លូងខេត្តក្រចេះ អ្នករួមដំណើរម្នាក់ ឈ្មោះអាំ ដារី ភេទប្រុស អាយុ២៥ឆ្នាំ នៅភូមិ ឃុំ ជាមួយគ្នា ក្នុងគោលដៅពីកើតទៅលិច បានបុកជាមួយសត្វក្របីឆ្លងផ្លូវ ពីត្បូងទៅជើង ហើយរថយន្តរេចង្កូតទៅបុករថយន្តមួយទៀត ម៉ាកហ៊ីយ៉ាន់ដាយ ពាក់ស្លាកលេខ កំពង់ចាម3B.0773 សណ្តោងរ៉ឺម៉កពាក់ស្លាកលេខ ភ្នំពេញ4A2947 ព៌ណខៀវ អ្នកបើកបរមិនស្គាល់ អត្តសញ្ញាណគេចខ្លួន ។
អ្នករងរបួស ១/ឈ្មោះអាំ ធារី ! ២/អាំ ដារី បានសង្គ្រោះនៅមន្ទីរពេទ្យបង្អែកស្រុកពួក។
ចំណែករថយន្តទាំង២គ្រឿងបានឆាបឆេះយ៉ាងដំណាំ និងងាប់ក្របីញី១ក្បាល។ក្នុងពេលកំពុងកើតហេតុរថយន្តពន្លត់អគ្គីភ័យស្រុក១គ្រឿង និងរថយន្តពន្លត់អគ្គីភ័យរបស់ស្នងការដ្ឋានខេត្តមួយគ្រឿងបានជួយអន្តរាគន៍ប្រើប្រាស់ទឹកអស់៣ឡាន និងបានរលត់ទាំងស្រុងនៅម៉ោង២និង ៣០នាទី៕
