កំពង់ធំ ៖ នៅព្រឹកថ្ងៃសុក្រ ១៣រោច ខែទុតិយាសាធ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី០៦ ខែសីហា ឆ្នាំ២០២១ កងទ័ពអាវស នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ចំនួន ៥៧នាក់ បានបន្តចេញ ដំណើរទៅកាន់សមរភូមិប្រយុទ្ធប្រឆាំងជាមួយខ្មាំង មេរោគ កូវីដ -១៩ ក្នុងបេសកកម្មចាក់វ៉ាក់សាំងជូនប្រជាពលរដ្ឋដូសទី២ ចំនួនជាង ១៤.០០០នាក់ នៅបី ឃុំ ក្នុងខេត្តសៀមរាប ។
ឧត្តមសេនីយ៍ទោ សោម ស៊ុន មេបញ្ជាការ តំបន់ប្រតិបត្តិការសឹករងកំពង់ធំបាន សំណេះសំណាល និងប្រគល់បរិក្ខាពេទ្យសម្រាប់ការពារ ទប់ស្កាត់ការឆ្លងមេរោគកូវីដ- ១៩និងគ្រឿងឧបភោគបរិភោគ ព្រមទាំង ថវិកា សម្រាប់ដោះស្រាយ ជីវភាព ហូបចុកប្រចាំថ្ងៃជូនក្រុមគ្រូពេទ្យផង ដែរ ។
លោកឧត្តមសេនីយ៍ទោ សោម ស៊ុន បានមានប្រសាសន៍ថា ឃុំដែលបានចាក់វ៉ាក់សាំងដូសទី២មាន ឃុំត្រពាំងធំ និង ឃុំមានជ័យ ក្នុងស្រុកប្រាសាទបាគង រួចរាល់និងបន្ដទៅចាក់វ៉ាក់សាំងដូសទី២នៅឃុំខ្វាវ ស្រុកជីក្រែងបន្ដទៀត ៕
