កំពង់ធំ៖ ថ្ងៃទី២១និង២២ ខែ មេសាឆ្នាំ២០២០ លោក វរសេនីយ៍ទោ ឃុន ប៊ុនហូ មេបញ្ជាការរងកងរាជអាវុធហត្ថខេត្តកំពង់ធំ ទទួលផែនស្រាវជ្រាវព័ត៌មានសន្តិសុខ បានដឹកនាំកម្លាំងកងរាជអាវុធខេត្ត សហការជាមួយ និង ផ្នែករដ្ឋបាលព្រៃឈើកំពង់ថ្ម អាវុធហត្ថស្រុកបារាយណ៍ ស្រុកសន្ទុក ចុះបង្ក្រាបទីតាំងអារច្រៀកឈើខុសច្បាប់ចំនួន០៦ទីតាំង នៅចំណុចភូមិ កំពង់ស្តេច ឃុំក្រវ៉ា ស្រុកបារាយណ៍ ខេត្តកំពង់ធំ ។
ជាលទ្ធផលបង្ក្រាបថ្ងៃទី២១ ខែមេសា ឆ្នាំ២០២០ បានឈើ និង សម្ភារះមួយចំនួនរួមមាន៖
១- ឈើអារក្រៅលំដាប់ថ្នាក់ប្រភេទ(ចំបក់)ចំនួន៣៧៦សន្លឹក ស្មើនឹង០៤ ម3៧៨៧ ។
២- ឈើហ៊ុបមូលក្រៅលំដាប់ថ្នាក់ប្រភេទ(ចំបក់)ចំនួន០៥កំណាត់ ស្មើនឹង០១ ម3 ៧៩៨ ។
៣- កូនឈើប្រឡៅមូលប្រភេទចំរុះ(ម្លប់ និងចំបក់)អង្កត់ផ្ចិតពី១៥-៣០ស.ម ចំនួន២៨ដើម/៤ម/១ដើម ។
៤- ម៉ាស៊ីនអារច្រៀកឈើចំនួន០២គ្រឿង។
ថ្ងៃទី២២ខែមេសាឆ្នាំ២០២០ចំណុចភូមិកំពង់ស្តេច ឃុំក្រវ៉ា ស្រុកបារាយណ៍ ខេត្តកំពង់ធំទទួលបានលទ្ធផលដូចខាងក្រោម៖
១- នៅវេលាម៉ោង០៨ និង៣០នាទី ត្រង់ចំណុចនិយាមកា(525069-1384411) ចាប់យកបានឈើហ៊ុបមូលក្រៅលំដាប់ថ្នាក់(ចំបក់)ចំនួន ១៥កំណាត់ ស្មើនឹង ០៦ម3 ៣៦២ និងកូនឈើប្រឡៅមូលចម្រុះ(ម្លប់ និងចំបក់)មុខកាត់តូចជាង៣០ស.ម ប្រវែង៤មចំនួន២២ដើម ដែលបានធ្វើសន្និធិដោយគ្នានលិខិតអនុញ្ញាត។
២- នៅវេលាម៉ោង១៨ និង៣០នាទី ត្រង់ចំណុនិយាមកា(525062-1384405) ចាប់យកបានឈើហ៊ុបមូលក្រៅលំដាប់ថ្នាក់(គួក)ចំនួន ១១កំណាត់ ស្មើនឹង ០៤ម3 ៧០៥ និងកូនឈើប្រឡៅមូលចម្រុះ(ម្លប់ និងចំបក់)មានមុខកាត់តូចជាង៣០ស.ម ប្រវែង៤ម ចំនួន ១៦ដើម។
លោក ឃុន ប៊ុនហូ មេបញ្ជាការរងកងរាជអាវុធហត្ថខេត្តកំពងធំ មានប្រសាសន៍ថាក្រោយពីនានឋទទួលព័ត៏ពីពលរដ្នថាមានទីតាំងអា ជ្រកឈើជាច្រើននៅទីតាំងខាងលើ លោកបានអោយកម្លាំងចុះទៅមើលក៏ឃើញមានបទល្មើសជាក់ស្ដែង ក៏បានដឹកនាំកម្លាំងចុះបង្ក្រាប់ទីតាំងខាងលើ ឯការចុះបង្ក្រាប់នេះគឺតាមបទបញ្ចាថ្នាក់ដឹកនាំខេត្ត ជាពិសេស លោកមេបញ្ចាការកងរាជអាវុធហត្ថខេត្តកំពង់ធំនិងក្រោមការបញ្ចា របស់ នាយឧត្តម សៅ សុខា មេបញ្ចាការរងនៃកងយុទ្ធពលខេមរះភូមិន្ទនិងជាមេបញ្ចាកងរាជអាវុធហត្ថលើផ្ទៃប្រទេស៕
ប៊ុនរិទ្ធី
