កំពង់ធំ ៖ បុរសម្នាក់ក្រោយពីលែងលះប្រពន្ធជិត១ឆ្នាំនឹកកូនពេក ទ្រាំមិនបានក៏សុំឪពុកម្តាយទៅលេងកូននៅខេត្តបាត់ដំបង តែឪពុកម្តាយប្រាប់ថាកូនកុំទៅអីក្រែងគេធ្វើបាបព្រោះប្រពន្ធឯងមានប្តីថ្មីទៀតហើយ.ដោយអារម្មណ៍វិលវុលបុរសរូបនោះគិតខ្លីបញ្ចប់ជីវិតដោយចង.ក.ធ្វើអត្តឃាតខ្លួនឯង ហេតុការណ៍នេះបានកើតឡើងកាលពីវេលាម៉ោង ៩ និង៣០នាទី ថ្ងៃទី០៧ ខែឧសភា ឆ្នាំ២០២០ នៅចំណុចតំបន់ត្រពាំងសាំក្រៃខាងកើត ភូមិគគីរចំងាយប្រហែល ៣០០០ម ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ ។
សមត្ថកិច្ចបានអោយដឹងថាសពឈ្មោះ ភឿន ភីន ភេទប្រុស អាយុ ៣៦ឆ្នាំ ជនជាតិខ្មែ មុខរបរ ធ្វើស្រែនៅភូមិជន្លូស ឃុំទួលគ្រើល ស្រុកប្រាសាទបល្ល័ង្ក ខេត្តកំពង់ធំ។
តាមការបំភ្លឺរបស់ឈ្មោះ មួន សានុច ភេទស្រី អាយុ២៦ឆ្នាំជនជាតិខ្មែរជាអ្នកភូមិជាមួយបានបំភ្លឺថា នៅថ្ងៃទី០៧ចែឧសភា ឆ្នាំ២០២០ វេលាម៉ោងប្រហែល ៨ គាត់និងឈ្មោះ នឹង ភេទប្រុស ឈ្មោះ សិត ភេទប្រុស ឈ្មោះ តឿន ភេទប្រុស និងក្មេងៗ ក្នុងភូមិច្រើននាក់ បាននាំគ្នាទៅឃ្វាលគោ ក្របី នៅចំណុចតំបន់ត្រពាំងសាំក្រៃ ខាងកើតភូមិគគីរ ឃុំសាលាវិស័យ ទៅដល់តំបន់ខាងលើស្រាប់តែធំក្លិនស្អុយជាខ្លាំងក៏នាំគ្នាដើររកមើលក្នុងគម្ពោធព្រៃក៏ប្រទះឃើញសាកសពមនុស្សស្អុយរលួយមើលមិនយល់ក៏នាំគ្នារត់ចេញពីទីនោះមកប្រាប់ឈ្មោះ ផា អ្នកចាំចំការក្បែរនោះ ក៏តេទូរស័ព្ទប្រាប់លោកនាយប៉ុស្ដិ៍ទួលគ្រើល ឯពួកគាត់ក៏នាំគ្នាដេញ គោក្របីចេញពីទីនោះទៅ ។
តាមការបំភ្លឺរបស់ឈ្មោះប្លោក យឿន ត្រូវជាម្ដាយរបស់សពជនរងគ្រោះបានបំភ្លឺថា កូនប្រុសរបស់គាត់បានលែងលះជាមួយប្រពន្ធជាង ១ឆ្នាំមកហើយ វាមករស់នៅជាមួយគាត់ ឯប្រពន្ធនិងកូនរបស់វារស់នៅក្រុងបាត់ដំបងចាប់តាំងពីបែកបាក់ប្រពន្ធកូនមក កូនប្រុសរបស់គាត់តែងតែផឹកស្រាស្រវឹងស្ទើររាល់ថ្ងៃ ហើយមិនជួយគិតគូររឿងការងារទេ វាតែងតែសុំគាត់និងឪពុកវាទៅលេងកូនឯខេត្តបាត់ដំបង តែគាត់មិនឲ្យទៅព្រោះខាងប្រពន្ធគេមានប្ដីហើយខ្លាចគេធ្វើបាប។ នៅថ្ងៃទី០៤ ខែឧសភា ឆ្នាំ ២០២០ វេលាម៉ោងប្រហែល ៩ព្រឹកកូនប្រុសគាត់បានផឹកស្រាស្រវឹង គាត់ និងប្ដីបានស្ដីបន្ទោសឲ្យ វាក៏បានមកថ្វាយបង្គុំគាត់ដោយប្រាប់ថា ទៅលេងកូននៅបាត់ដំបងគាត់មិនបានតបវិញទេ ក្រោយមកក៏បាត់កូនរហូត គាត់ខំដើររកនិងប្រាប់អ្នកជិតខាងឲ្យជួយរកដែរតែរកមិនឃើញលុះដល់ថ្ងៃទី ០៧ ខែឧសភា ឆ្នាំ២០២០ វេលាម៉ោងប្រហែល ៩ព្រឹកស្រាប់តែលោក នាយប៉ុស្ដិ៍ទួលគ្រើលទូរស័ព្ទមកប្រាប់ថា គេរកឃើញកូនគាត់ហើយ នៅតំបន់សាំក្រៃ ហើយវាចងកនិងខ្សែរក្រវ៉ាត់ទៅនិងដើមម្ដេញ ស្លាប់បាត់ទៅហើយមិនដឹងពីពេលណាទេ ។
ក្រោយទទួលព័ត៌មាន សមត្ថកិច្ចជំនាញ សហការជាមួយ លោកមេភូមិ នាយប៉ុស្ដិ៍រដ្ឋបាលទួលគ្រើល និងប៉ុស្ដិ៍នគរបាលសាលាវិស័យ និងប្រជាពលរដ្ឋសាច់ញាតិសព ធ្វើការពិនិត្យ សាកសព និងទីកន្លែងកើតហេតុ។ការពិនិត្យនៅដងខ្លួនសាកសពយើងពុំឃើញមានស្លាកស្នាមគួរកត់សម្គាល់ឡើយ ក្រៅពីសាកសពស្អុយនិងដង្កូវ ចោះ ពិនិត្យចប់ យើងបានធ្វើកំណត់ហេតុប្រគល់សាកសពជូនសាច់ញាតិយកទៅធ្វើបុណ្យតាមប្រពៃណី ទើបសន្និដ្ឋានថា ជនរងគ្រោះពិតជាបានស្លាប់ដោយសារចងកធ្វើអត្តឃាត។មូលហេតុ ដោយសារវិបត្តិផ្លូវចិត្ត តូចចិត្តនឹង ប្រពន្ធលែងលះខ្លួនហើយយកប្តីថ្មីទៀត ៕ ប៊ុនរិទ្ធី
